ଦକ୍ଷିଣ କୋରିଆର ୭ ଜଣ ପର୍ଯ୍ୟଟକ ହଙ୍ଗେରୀରେ ପ୍ରାଣ ହରାଇଛନ୍ତି। ହଙ୍ଗେରୀର ଡାନ୍ବୁରେ ଏକ ଜାହାଜ ବୁଡିଯିବାରୁ ଏହି ଅଘଟଣ ଘଟିଛି। ଏହି ଘଟଣାରେ ୭ ଜଣ ପର୍ଯ୍ୟଟକଙ୍କୁ ଉଦ୍ଧାର କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୧୯ ଜଣ ନିଖୋଜ ଅଛନ୍ତି। ୭ ଜଣ ମୃତକଙ୍କ ମଧ୍ୟରେ ୫ ଜଣ କୋରିଆ ନାଗରିକ ରହିଥିବା ବେଳେ ୨ ଜଣ ହଙ୍ଗେରୀ ବିଦେଶ ମନ୍ତ୍ରାଳୟ ସଦସ୍ୟ ରହିଛନ୍ତି। ବର୍ତ୍ତମାନ ବର୍ଷା ଏବଂ ବନ୍ୟା ଚାଲିଥିବା ସମୟରେ ଅନ୍ୟ ଏକ ଜାହାଜ ସହିତ ଏହି ଜାହାଜଟି ଧକ୍କା ଖାଇବା ପରେ ଏହି ଅଘଟଣ ଘଟିଥିଲା। ମୃତକଙ୍କ ଶରୀର କୋରିଆ ପଠାଯାଇଥିବା ବେଳେ ନିଖୋଜଙ୍କ ସନ୍ଧାନ ଜାରି ରହିଛି। କୋରିଆ ପକ୍ଷରୁ ଏକ ୧୮ ଜଣିଆ ଉଦ୍ଧାରକାରୀ ଦଳ ହଙ୍ଗେରୀ ନିମନ୍ତେ ପଠାଯାଇଛି।
