ଗୁରୁବାର ରବର୍ଟ ଭଦ୍ରା ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ସମ୍ମୁଖରେ ହାଜର ହୋଇଛନ୍ତି । ବୁଧବାର ଏକ ସ୍ଥାନୀୟ କୋର୍ଟ ଭଦ୍ରାଙ୍କ ଆଗୁଆ ଜାମିନ ଆବେଦନକୁ ଖାରଜ କରିବା ପରେ ଆଜି ଇଡି ସମ୍ମୁଖରେ ହାଜର ହୋଇଛନ୍ତି ଭଦ୍ରା । କଂଗ୍ରେସ ମହା ସଚିବ ପ୍ରିୟଙ୍କା ଗାନ୍ଧୀଙ୍କ ସ୍ବାମୀ ରବର୍ଟ ଭଦ୍ରାଙ୍କ ଆଗୁଆ ଜାମିନ ଆବେଦନ ଏବଂ ବିଦେଶ ଗସ୍ତ ଅନୁରୋଧ ଖାରଜ ହେବା ପରେ ଗୁରୁବାର ସକାଳ 10.30ରେ ଇଡିର କାର୍ଯ୍ୟାଳୟରେ ହାଜର ହୋଇଛନ୍ତି ଭଦ୍ରା । ଇଣ୍ଡିଆ ଗେଟ ସ୍ଥିତ କାର୍ଯ୍ୟାଳୟରେ ହାଜର ହୋଇଥିଲେ ଭଦ୍ରା । ଇଡି ପକ୍ଷରୁ ଭଦ୍ରାଙ୍କ ନାମରେ ବିଦେଶରେ ସମ୍ପତ୍ତି ରହିଥିବାର ଅଭିଯୋଗ ଅଣାଯାଇଥିବା ବେଳେ ଭଦ୍ରା ଏହାକୁ ଖଣ୍ଡନ କରିବା ସହିତ ରଜନୈତିକ ଉଦ୍ଦେଶ୍ୟ ରଖି ଏପରି ଆକ୍ରମଣ କରାଯାଉଥିବାର ଅଭିଯୋଗ ଆଣିଛନ୍ତି । ଇଡି ପକ୍ଷରୁ ଭଦ୍ରାଙ୍କୁ ଗିରଫ କରିବାର ଆବେଦନ କରିଥିଲେ ମଧ୍ୟ ଏହାକୁ ଖାରଜ କରିଛନ୍ତି ତଳ କୋର୍ଟ ।
