17 ବର୍ଷୀୟା ଭାରତୀୟ ସୁଟର ମାନୁ ଭାକେର 2020 ଟୋକିଓ ଅଲମ୍ପିକ୍ସ ପାଇଁ ସ୍ଥାନ ସୁରକ୍ଷିତ କରି ନେଇଛନ୍ତି । ମାତ୍ର 0.1 ପଏଣ୍ଟ ପାଇଁ ପଦକ ହାତଛଡା କରିଥିଲେ ମଧ୍ୟ ଭାକେର ସପ୍ତମ ଭାରତୀୟ ସୁଟର ଭାବରେ ଅଲମ୍ପିକ୍ସରେ ସ୍ଥାନ ସୁରକ୍ଷିତ କରିଛନ୍ତି । ଫାଇନାଲ୍ରେ ମାନୁ 201 ପଏଣ୍ଟ ସ୍କୋର କରିଥିଲେ । ଫାଇନାଲ୍ ପୂର୍ବରୁ 10.3 ପଏଣ୍ଟ ସ୍କୋର କରି ଏକ ନମ୍ବରରେ ରହିଥିଲେ ମଧ୍ୟ ଅନ୍ତିମ ପର୍ଯ୍ୟାୟରେ କିଛି ଭୁଲ୍ ଯୋଗୁଁ ପଦକ ଦୌଡରୁ ପଛରେ ପଡି ଯାଇଥିଲେ ମାନୁ । ବିଶ୍ବ ରେକର୍ଡ ସହ ଆନ୍ନା କାରକୋଇ ସ୍ବର୍ଣ୍ଣ ପଦକ ହାସଲ କରିଥିବା ବେଳେ ଚୀନ୍ର କ୍ବିଆନ୍ ଓ୍ବି ରୌପ୍ୟ ଏବଂ କୋରିଆର କିମ୍ ମିନଜୁଙ୍ଗ ବ୍ରୋଞ୍ଜ ପଦକ ହାସଲ କରିଥିଲେ । ପୂର୍ବରୁ ସ୍ବର୍ଣ୍ଣ ଏବଂ ବ୍ରୋଞ୍ଜ ବିଜୟିନୀ ଅଲମ୍ପିକ୍ସରେ ସ୍ଥାନ ସୁରକ୍ଷିତ କରି ନେଇଥିବାରୁ ଭାକେର ସ୍ଥାନ ସୁରକ୍ଷିତ କରି ନେଇଥିଲେ । ଏହା ପୂର୍ବରୁ ମଙ୍ଗଳବାର 25 ମିଟର ଏୟାର ପିସ୍ତଲ ବିଭାଗରେ ମଙ୍ଗଳବାର ଯୋଗ୍ୟତା ଅର୍ଜନରେ ବିଫଳ ହୋଇଥିଲେ ଭାକେର ।
Tags:
