ସେୟାର ବଜାରର ଅନ୍ତିମ କାର୍ଯ୍ୟ ଦିବସରେ ୩୦୦ ପଏଣ୍ଟ ବୃଦ୍ଧି ସହିତ ସେନସେକ୍ସ ୪୦ ହଜାର ପଏଣ୍ଟ ଅତିକ୍ରମ କରିଛି । ଦିନର ପ୍ରାରମ୍ଭିକ ପର୍ଯ୍ୟାୟ ଟ୍ରେଣ୍ଡରେ ସେନସେକ୍ସରେ ୨୭୧.୧୨ ପଏଣ୍ଟ ବୃଦ୍ଧକି ସହିତ ୪୦୧୧୯.୮୧ପଏଣ୍ଟ ରହିଥିବା ବେଳେ ଏହାର ଅଭିବୃଦ୍ଧି ହାର ୦.୬୮ ପ୍ରତିଶତ ରହିଛି । ଏହି ସମୟରେ ନ୍ୟାସନାଲ୍ ଷ୍ଟକ୍ ଏକ୍ସଚେଞ୍ଜ (ନିଫ୍ଟୀ) ମଧ୍ୟ ୧୨ହଜାର ପଏଣ୍ଟ ଅତିକ୍ରମ କରିଛି । ନିଫ୍ଟି ୮୧.୨୦ ପଏଣ୍ଟର ଅଭିବୃଦ୍ଧି ସହିତ ୧୨୦୨୭.୧୦ ପଏଣ୍ଟ ରହିଥିବା ବେଳେ ଏହାର ଅଭିବୃଦ୍ଧି ହାର ମଧ୍ୟ ୦.୬୮ପ୍ରତିଶତ ରହିଛି । ଏସିଆନ୍ ପେଣ୍ଟସ୍, କୋଲ୍ ଇଣ୍ଡିଆ, ଟିସିଏସ୍, ଓଏନ୍ଜିସି, ଏଚ୍ସିଏଲ୍, ଏଲ୍ ଆଣ୍ଡ ଟି, ଏସ୍ବିଆଇ ଏବଂ ଇଣ୍ଡସଇଣ୍ଡ ବ୍ୟାଙ୍କ ୩ ପ୍ରତିଶତ ଲେଖାଏଁ ଅଭିବୃଦ୍ଧି ହାସଲ କରିଛନ୍ତି । ଏହି ସମୟରେ ଡଲାର ତୁଳନାରେ ଭାରତୀୟ ଟଙ୍କା ୧୫ ପଇସା ଶକ୍ତିଶାଳୀ ହୋଇଛି । ଗୁରୁବାର ଡଲାରର ବିନିମୟ ମୂଲ୍ୟ ୬୯.୮୭ଟଙ୍କା ରହିଥିବା ବେଳେ ଆଜି ଏହା ୬୯.୭୨ପଇସାକୁ ହ୍ରାସ ପାଇଛି ।
Tags:
