ବେଙ୍ଗୁଲୁରୁ: ଆଜି କର୍ଣ୍ଣାଟକ ବିଧାନସଭା ନିର୍ବାଚନର ଭୋଟ ଗଣତି ଜାରି ରହିଛି। ବର୍ତ୍ତମାନ ଫଳାଫଳକୁ ଦେଖିଲେ ରାଜ୍ୟରେ କଂଗ୍ରେସ ସଂଖ୍ୟା ଗରିଷ୍ଠତା ହାସଲ କରୁଥିବା ଜଣାପଡୁଛି। ପ୍ରାରମ୍ଭିକ ଗଣତିରେ କଂଗ୍ରେସ ୧୧୮ ଆସନରେ ଆଗୁଆ ଥିବା ବେଳେ ବିଜେପି ୭୫ ଆସନରେ ଆଗୁଆ ରହିଛି। ଏବଂ ଜେଡ଼ିଏସକୁ ୨୫ ଏବଂ ଅନ୍ୟକୁ ୬ ଟି ଆସନରେ ଅଗ୍ରଣୀ ରହିଛନ୍ତି।
ତେବେ ଏହା ଭିତରେ କଂଗ୍ରେସ ସାଂସଦ ଇମ୍ରାନ ପ୍ରତାପଗଢୀ ଏକ ବଡ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ, ଯଦି ଆମେ ନିର୍ବାଚନରେ ଜିତୁ ତେବେ ବଜରଙ୍ଗ ଦଳକୁ ବାରଣ କରାଯିବ। ସେ କହିଛନ୍ତି ଯେ, ଏହା ହେଉଛି କଂଗ୍ରେସର ଭାରତ ଯୋଡା ଯାତ୍ରାର ପ୍ରଭାବ। କର୍ଣ୍ଣାଟକର ଲୋକମାନେ ଘୃଣା ରାଜନୀତିକୁ ପ୍ରତ୍ୟାଖ୍ୟାନ କରିଛନ୍ତି। ଆମେ ବଜରଙ୍ଗ ବଲୀଙ୍କ’ ଆଶୀର୍ବାଦ ପାଇଛୁ। ଆମେ ସମସ୍ତ ସୁଫି ସାଧୁଙ୍କ ଆଶୀର୍ବାଦ ପାଇଛୁ।