କାବୁଲ୍ରେ ଏକ ଆତ୍ମଘାତୀ କାର୍ ବିସ୍ଫୋରଣରେ ୭ ଜଣ ବ୍ୟକ୍ତିଙ୍କ ପ୍ରାଣହାନି ଘଟିଛି। ଶୁକ୍ରବାର ସକାଳେ କାବୁଲର ପୂର୍ବୀୟ ଇଲାକାରେ ଏହି ବିସ୍ଫୋରଣ ଘଟିଥିବା ବେଳେ ଆହତଙ୍କ ସଂଖ୍ୟା ଜଣା ପଡିନାହିଁ। ବିସ୍ଫୋରଣର ପ୍ରଭାବ ଅତ୍ୟନ୍ତ ଗୁରୁତର ରହିଥିବାରୁ ଆହତଙ୍କ ସଂଖ୍ୟା ପ୍ରକାଶ କରି ହେବ ନାହିଁ ବୋଲି କାବୁଲ ପୋଲିସ୍ ମୁଖ୍ୟ ଫିରଦୌସ୍ ଫାରାମାଜ୍ ପ୍ରକାଶ କରିଛନ୍ତି। ଆମେରିକା ଏବଂ ନାଟୋର ସେନା ବାହିନୀ ରହିଥିବା ଅଞ୍ଚଳ ନିକଟରେ ଏହି ବିସ୍ଫୋରଣ ଘଟିଥିଲା। କୌଣସି ଆତଙ୍କୀ ସଙ୍ଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରି ନାହାନ୍ତି। ଗୁରୁବାର ମଧ୍ୟ ସମାନ ବିସ୍ଫୋରଣରେ ୬ ଜଣ ପ୍ରାଣ ହରାଇଥିଲେ।
Tags:
