ଭୁବନେଶ୍ଵର: କନ୍ଧମାଳର ପ୍ରଯୋଜକ ପ୍ରଶାନ୍ତ ନାୟକଙ୍କ ନେକ୍ସ୍ଟ ଡୋର ଫିଲ୍ମ ବ୍ୟାନରରେ ପ୍ରସ୍ତୁତ, ଓଡ଼ିଆ ଫିଲ୍ମ ପ୍ରୀତି ବନ୍ଧନ ଫୁଲବାଣୀସ୍ଥିତ ଶ୍ରଦ୍ଧାଞ୍ଜଳୀ ସିନେମା ହଲ୍ ରେ ମୁକ୍ତିଲାଭ କରି ବେଶ୍ ଲୋକାଦୃତ ହୋଇଥିଲା। ଅଭିନେତ୍ରୀ ତୃପ୍ତୀ ମିରାମ୍ବିକା,ଐଶରିଆ ବେହେରା, ଅଭିନେତା କେଦାର ମିଶ୍ର, ଭୂପତି ତ୍ରିପାଠୀ, ଥିନ୍, ଶୁଭ୍ରାସୁଂ, ପ୍ରଯୋଜକ ପ୍ରଶାନ୍ତ ନାୟକ, ନରେନ୍ଦ୍ର ପାତ୍ର, ସଙ୍ଗୀତଜ୍ଞ ଓ ଅନ୍ୟାନ୍ୟ ସମସ୍ତ କଳାକାର ପ୍ରିମିୟର ସୋ ରେ ଉପସ୍ଥିତ ଥିଲେ।
ଫୁଲବାଣୀର ଜଣାଶୁଣା ସମାଜସେବୀ, ଅଭିନେତା, ତଥା ଫିଲ୍ମ ପ୍ରଯୋଜକ ପ୍ରଶାନ୍ତ ନାୟକ ଓ ଫିଲ୍ମ ହଲ ମାଲିକ ଅନିଲ ବେହେରା ଉପସ୍ଥିତ ଥିଲେ।
ଏଥିରେ ଓଡିଶାର କଳା, ସଂସ୍କୃତି ଓ ପରମ୍ପରାକୁ ପ୍ରାଧାନ୍ୟ ଦିଆଯାଇଥିବା କଥା ପ୍ରଯୋଜକ ନାୟକ କହିଥିଲେ। ପ୍ରଶାନ୍ତ ନାୟକ ଓ ନରେନ୍ଦ୍ର ପାତ୍ରଙ୍କ ପ୍ରଯୋଜିତ ଫିଲ୍ମର ନିର୍ଦ୍ଦେଶନା ଦେଇଛନ୍ତି ରାଶେଷ ମହାନ୍ତି। ସଂଗୀତ ନିର୍ଦ୍ଦେଶନା ଦେଇଛନ୍ତି ବରିଷ୍ଠ ତଥା ଜଣାଶୁଣା ସଂଗୀତ ନିର୍ଦ୍ଦେଶକ ଅଭିଜିତ ମଜୁମଦାର। ନୃତ୍ୟ ନିର୍ଦ୍ଦେଶନା ଦେଇଛନ୍ତି ସୁଧାକର ବସନ୍ତ ଓ ସ୍ମୃତି ଆର।
ଏହାର କ୍ରିଏଟିଭ ହେଡ଼ ଓ ମିଡ଼ିଆ ପ୍ଲାନର ପ୍ରଣୟ ଜେଠି ରହିଛନ୍ତି। ଏହି ଫିଲ୍ମରେ ମୁଖ୍ୟ ଅଭିନେତା ସମ୍ବିତ ଓ ଅଭିନେତ୍ରୀ ତମନ୍ନାଙ୍କ ସହିତ ତୃପ୍ତି ଅଛନ୍ତି। ଅନ୍ୟମାନଙ୍କ ମଧ୍ୟରେ ପୁଷ୍ପା ପଣ୍ଡା, ପୃଥ୍ବୀରାଜ ନାୟକ, ଭୂପତି ତ୍ରିପାଠୀ, ସର ଅପା, ଅଳକା, ପ୍ରଶାନ୍ତ ନାୟକ, ନୂପୁର ଓ ସସ୍ମିତା ପ୍ରମୁଖ ନିଖୁଣ ଅଭିନୟ କରିଛନ୍ତି। ଫୁଲବାଣୀ ଶ୍ରଦ୍ଧାଞ୍ଜଳି ଟକିଜ ସମେତ ରାଜ୍ୟର କୋଡିଏ ଟି ସ୍ଥାନରେ ଏହା ମୁକ୍ତିଲାଭ କରିଛି।