ଚଳିତ ବିଶ୍ବକପ୍ର ଅଷ୍ଟ୍ରେଲିଆ ବିପକ୍ଷରୁ ଅଭିଯାନ କରିବ ଗୁଲ୍ବଦିନ୍ ନାଇବ୍ଙ୍କ ଆଫଗାନିସ୍ତାନ। ଡିଫେଣ୍ଡିଂ ଚାମ୍ପିୟନ୍ ଅଷ୍ଟ୍ରେଲିଆ ବିପକ୍ଷରୁ ଅଭିଯାନ ଆରମ୍ଭ କରିବ ଶେଷ ସ୍ଥାନରେ ରହିଥିବା ଆଫଗାନିସ୍ତାନ। ସର୍ବଦା ବିପର୍ଯ୍ୟୟ ସୃଷ୍ଟି ପାଇଁ ପ୍ରସିଦ୍ଧ ଆଫଗାନ ଦଳ ଆରୋନ ଫିଞ୍ଚଙ୍କ ଅଷ୍ଟ୍ରେଲିଆକୁ କଡା ଟକ୍କର ଦେବ ବୋଲି ଆଶା କରାଯାଉଛି। ବ୍ରିଷ୍ଟଲର କାଉଣ୍ଟି ଗ୍ରାଉଣ୍ଡରେ ଅନୁଷ୍ଠିତ ହେବାକୁ ଥିବା ମ୍ୟାଚ୍ ଶନିବାର ଅପରାହ୍ନ 2.30ରେ ଖେଳାଯିବ। ସ୍ମିଥ୍ ଏବଂ ଓ୍ବାର୍ଣ୍ଣରଙ୍କ ପ୍ରତ୍ୟାବର୍ତ୍ତନ ପରେ ଅଷ୍ଟ୍ରେଲିଆ ଅତ୍ୟନ୍ତ ଶକ୍ତିଶାଳୀ ତଥା ଟୁର୍ଣ୍ଣାମେଣ୍ଟର ଅନ୍ୟତମ ଫେବ୍ରିଟ୍ ଦଳ ରହିଥିଲେ ମଧ୍ୟ ବିପର୍ଯ୍ୟୟ ସୃଷ୍ଟି କରି ପାରିବ ଆଫଗାନିସ୍ତାନ। ଅଷ୍ଟ୍ରେଲିଆ ଓପ୍ନର ଡେଭିଡ୍ ଓ୍ବାର୍ଣ୍ଣର ଜଙ୍ଘରେ ଆଘାତ ଯୋଗୁଁ ଏହି ମ୍ୟାଚ୍ରେ ଓପନ୍ ନ କରିବାର ସମ୍ଭାବନା ରହିଛି। ଆଫଗାନିସ୍ତାନ ନିଜର ଅଭ୍ୟାସ ମ୍ୟାଚ୍ରେ ପାକିସ୍ତାନକୁ ପରାସ୍ତ କରିଥିବା ବେଳେ ଇଂଲଣ୍ଡ ନିକଟରୁ ପରାଜିତ ହୋଇଥିଲା। ରଶିଦ୍ ଖାନ୍ ଏବଂ ଗୁଲବଦିନ୍ ନାଇବଙ୍କ ପ୍ରଦର୍ଶନ ଉପରେ ସମସ୍ତଙ୍କୁ ନଜର ରହିବ । ଅଷ୍ଟ୍ରେଲିଆ ନିଜର ପ୍ରଥମ ଦୁଇ ମ୍ୟାଚ୍ରେ ସହଜ ବିଜୟ ହାସଲ କରିଥିବା ବେଳେ ସ୍ମିଥ୍ଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ। ଉସ୍ମାନ ଖ୍ବାଜା ଏବଂ ସନ୍ ମାର୍ଶଙ୍କ ମଧ୍ୟରେ ତିନିନମ୍ବର ସ୍ଥାନକୁ ନେଇ ଦ୍ବନ୍ଦ ରହିଥିବା ବେଳେ ଷ୍ଟୋଇନିସ୍ଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ ।
ମ୍ୟାଚ୍ ସମୟ : 2.30
ସ୍ଥାନ : ବ୍ରିଷ୍ଟଲ, କାଉଣ୍ଟି ଗ୍ରାଉଣ୍ଡ
