ବିଭିନ୍ନ ଆତଙ୍କୀ ସଙ୍ଗଠନରେ ଯୋଗ ଦେଇଥିବା ୫କାଶ୍ମୀର ଯୁବକ ଆତ୍ମ ସମର୍ପଣ କରିଛନ୍ତି। ସୁରକ୍ଷା ଦୃଷ୍ଟିକୋଣରୁ ପୋଲିସ୍ ପକ୍ଷରୁ ଆତ୍ମସମର୍ପଣକାରୀଙ୍କ ନାମ ଗୋପନ ରଖାଯାଇଛି। ଆତ୍ମସମର୍ପଣ ପରେ ଉକ୍ତ ଯୁବକମାନେ ନିଜ ନିଜ ଘରକୁ ଫେରି ଯାଇଥିବା ନେଇ ପୋଲିସ ସୂଚନା ଦେଇଛି। ଜମ୍ମୁ କାଶ୍ମୀରର କୁଲଗାମ ଥାନାରେ ଏହି ଯୁବକ ମାନେ ଆତ୍ମସମର୍ପଣ କରିଥିବା ଜଣାପଡିଛି। ୨୦୧୭ ରେ ମଧ୍ୟ କାଶ୍ମୀର ଉପତ୍ୟାକାରେ ୧୫ରୁ ଅଧିକ ଆତଙ୍କବାଦୀ ଆତ୍ମସମର୍ପଣ କରିବା ସହିତ ଅସ୍ତ୍ର ଶସ୍ତ୍ର ପରିତ୍ୟାଗ କରି ନିଜ ପରିବାର ନିକଟକୁ ଫେରିଥିଲେ। ଏପରିକି କିଛି ଆତଙ୍କୀ ସୁରକ୍ଷାବଳଙ୍କ ସହିତ ଏନ୍କାଉଣ୍ଟର ସମୟରେ ମଧ୍ୟ ଆତ୍ମସମର୍ପଣ କରିଥିଲେ।
