ନିକଟରେ ବିଜେପି ସରକାରରେ କେନ୍ଦ୍ରମନ୍ତ୍ରୀ ପାହ୍ୟା ହାସଲ କରିଥିବା ଦେବଶ୍ରୀ ଚୌଧୁରୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚେତାବନୀ ଦେଇଛନ୍ତି । କେନ୍ଦ୍ରୀୟ ପ୍ରକଳ୍ପ ଗୁଡିକର ଫାଇଦା ଜନସାଧାରଣଙ୍କ ନିକଟରେ ନ ପହଞ୍ଚାଇବାର ଅପଚେଷ୍ଟା କଲେ ଜନସାଧାରଣଙ୍କ ନିକଟରୁ ଏହାର ପରିଣାମ ଭୋଗିବାକୁ ପଡିବ ବୋଲି ଚୌଧୁରୀ କହିଛନ୍ତି । ଚଳିତ ଥର ମୋଦି କ୍ୟାବିନେଟରେ ମହିଳା ଓ ଶିଶୁ କଲ୍ୟାଣ ବିଭାଗରେ ରାଷ୍ଟ୍ରମନ୍ତ୍ରୀ ପାହ୍ୟା ପାଇଥିବା ଚୌଧୁରୀ କହିଛନ୍ତି ଶାସନ ବ୍ୟବସ୍ଥା ପରସ୍ପର ଉପରେ ବିଶ୍ବାସରେ ଚାଲିଥାଏ । ମାତ୍ର ମମତା କେନ୍ଦ୍ରୀୟ ଫାଇଦା ସାଧାରଣ ଜନତାଙ୍କ ନିକଟରେ ପହଞ୍ଚାଉ ନାହାନ୍ତି ଯାହାର ଫଳାଫଳ ତାଙ୍କୁ ଆଗାମୀ ନିର୍ବାଚନରେ ଭୋଟ ମାଧ୍ୟମରେ ଭୋଗିବାକୁ ପଡିବ । ସୂଚନାଯୋଗ୍ୟ ଯେ, ପଶ୍ଚିମବଙ୍ଗର ରାଜଗଞ୍ଜରୁ ଲୋକସଭାକୁ ନିର୍ବାଚିତ ହୋଇଛନ୍ତି ଦେବଶ୍ରୀ ଚୌଧୁରୀ ।
