ହାଇଦ୍ରାବାଦ ସାଂସଦ ଅସଦ୍ଦୁଦ୍ଦିନ ଓଓ୍ବେସୀ ରମ୍ଜାନର ଭିଡ ଟ୍ରାଫିକ୍ର ପରିଚାଳନା ଦାୟିତ୍ବ ନିର୍ବାହ କରିଛନ୍ତି। ଟ୍ରାଫିକ୍ ପରିଚାଳନା କରିବା ଏବଂ ଟ୍ରାଫିକ୍ ଖାଲି ହେବା ପରେ ଓଓ୍ବେସୀ ନିଜ କାର୍ରେ ଚାଲି ଯାଇଥିଲେ। ଫତେହ ଦରଓ୍ବାଜା ରୋଡରେ ଭୟଙ୍କର ଟ୍ରାଫିକ୍ ଖାଲି କରିଥିଲେ ଓଓ୍ବେସୀ। ସନ୍ଧ୍ୟା ସମୟରେ ଉକ୍ତ ଅଞ୍ଚଳ ଦେଇ ଯାଉଥିବା ଓଓ୍ବେସୀ ଭୟଙ୍କର ଭିଡ ଦେଖି କାର୍ରୁ ଓହ୍ଲାଇ ଲୋକଙ୍କ ସହାୟତା କରିଥିଲେ। ରମ୍ଜାନ୍ ମାସର ଅନ୍ତିମ ଶୁକ୍ରବାର ହୋଇଥିବାରୁ ଅନେକ ମୁସ୍ଲିମ୍ ଭକ୍ତ ନମାଜ ପାଇଁ ଯାଇଥିଲେ ଯାହା ଦ୍ବାରା ଭୟଙ୍କର ଟ୍ରାଫିକ୍ ସୃଷ୍ଟି ହୋଇଥିଲା। ହାଇଦ୍ରାବାଦର ଏହି ଚାରି ଥର ସାଂସଦ ଟ୍ରାଫିକ୍ ଜାମ୍ରେ ଫସିବା ପରେ ଟ୍ରାଫିକ୍ ଖାଲି କରିଥିଲେ। ଓଓ୍ବେସୀଙ୍କ ଏହି କାର୍ଯ୍ୟକୁ ସୋସିଆଲ ମିଡିଆରେ ପ୍ରଶଂସା କରାଯାଇଥିଲା।
Tags:
