ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୬ ଦିନିଆ ଆମେରିକା ଏବଂ ଇଜିପ୍ଟ ଗସ୍ତଶେଷ କରି ଭାରତ ଫେରିଛନ୍ତି। ଦିଲ୍ଲୀ ବିମାନବନ୍ଦରରେ ପିଏମ ମୋଦୀଙ୍କୁ ବୈଦେଶିକ ବ୍ୟାପାର ମନ୍ତ୍ରୀ ମୀନାକ୍ଷୀ ଲେଖୀ ଏବଂ ବିଜେପି ମୁଖ୍ୟ ଜେ ପି ନାଡା ସ୍ବାଗତ କରିଛନ୍ତି। ଏଥିରେ ଦିଲ୍ଲୀର ବିଜେପି ନେତା ତଥା ଦଳର ସାଂସଦ ହର୍ଷ ବର୍ଦ୍ଧନ, ହାନ୍ସ ରାଜ ଏବଂ ଗୌତମ ଗମ୍ଭୀର ମଧ୍ୟ ଉପସ୍ଥିତ ଥିଲେ।
ବିମାନ ବନ୍ଦରରେ ମୋଦି ସଭାପତି ନଡ୍ଡାଙ୍କୁ ପଚାରିଛନ୍ତି ଯେ, ଭାରତରେ ବର୍ତ୍ତମାନ କଣ ଚାଲିଛି। ଉତ୍ତରେ ନଡ୍ଡା କହିଥିଲେ ଯେ, ସରକାରର ନଅ ବର୍ଷର ରିପୋର୍ଟ କାର୍ଡ ଧରି ଦଳର ନେତାମାନେ ଲୋକଙ୍କ ନିକଟରେ ପହଞ୍ଚୁଛନ୍ତି। ଦେଶ ବେଶ୍ ଖୁସି ଅଛି ବୋଲି ପ୍ରଧାନମନ୍ତ୍ରୀଙ୍କୁ କୁହାଗଲା ବୋଲି ବିଜେପି ସାଂସଦ ମନୋଜ ତିୱାରୀ କହିଛନ୍ତି। ସାମ୍ବାଦିକମାନଙ୍କ ସହ କଥାବାର୍ତ୍ତା କରି ବିଜେପି ସାଂସଦ ପରଭେଶ ବର୍ମା କହିଛନ୍ତି ଯେ ଦେଶରେ କ’ଣ ଘଟୁଛି ଏବଂ ଦଳର ଜନସମ୍ପର୍କ କାର୍ଯ୍ୟକ୍ରମ କିପରି ଚାଲିଛି ବୋଲି ପ୍ରଧାନମନ୍ତ୍ରୀ ପଚାରିଥିଲେ। ତାଙ୍କୁ ଆମେ ଏ ବିଷୟରେ ସମସ୍ତ କଥା ଜଣାଇଥିଲୁ ବୋଲି ସେ କହିଛନ୍ତି।