ନୂଆଦିଲ୍ଲୀ: ବହୁ ପ୍ରତୀକ୍ଷିତ ଚନ୍ଦ୍ର ମିଶନ ‘ଚନ୍ଦ୍ରାୟନ -୩’ ର ଉତକ୍ଷେପଣ ପାଇଁ ଭାରତୀୟ ମହାକାଶ ଅନୁସନ୍ଧାନ ସଂଗଠନ (ISRO) ଏକ ଆନୁମାନିକ ତାରିଖ ଦେଇଛି। ଆଜିଅଧିକାରୀମାନେ କହିଛନ୍ତି ଯେ, ଜୁଲାଇ ୧୩ ତାରିଖ ଅପରାହ୍ନ ୨.୩୦ ରେ ଚନ୍ଦ୍ରାୟନ -୩ ଲଞ୍ଚ ହେବ।
ଏଥି ସହିତ, ନ୍ୟୁଜ୍ ଏଜେନ୍ସି ANI ସହିତ ବାର୍ତ୍ତାଳାପ ସମୟରେ ISRO ମୁଖ୍ୟ ଏସ୍ ସୋମନାଥ କହିଛନ୍ତି ଯେ, ବର୍ତ୍ତମାନ ଚନ୍ଦ୍ରୟାନ -୩ ମହାକାଶଯାନ ସଂପୂର୍ଣ୍ଣ ଏକୀଭୂତ ହୋଇଛି। ଆମେ ପରୀକ୍ଷା ସମାପ୍ତ କରିଛୁ … ଆମେ ବର୍ତ୍ତମାନ ରକେଟ୍ ପ୍ରସ୍ତୁତ କରୁଛୁ। ଆଜି ରକେଟ୍ ପ୍ରସ୍ତୁତ ହୋଇଯିବ।
ସେ କହିଛନ୍ତି ଯେ, ଚନ୍ଦ୍ରାୟନ -୩ କୁ ରକେଟରେ ଫିଟ୍ କରାଯାଇ ଲଞ୍ଚ କରାଯିବ। ସେ ଆଶା କରିଛନ୍ତି ଯେ, ଜୁଲାଇ ୧୨ ରୁ ୧୯ ତାରିଖ ମଧ୍ୟରେ ଚନ୍ଦ୍ରୟାନ -୩ ଲଞ୍ଚ ହୋଇପାରିବ, କିନ୍ତୁ ନିକଟ ତାରିଖ ସ୍ଥିର ହେବ।
ଅଧିକାରୀଙ୍କ କହିବାନୁସାରେ, ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାୱନ ସ୍ପେସ୍ ସେଣ୍ଟରରୁ ଚନ୍ଦ୍ରଯାନ -୩ ଲଞ୍ଚ ଯାନ ମାର୍କ-୩ ମାଧ୍ୟମରେ ଲଞ୍ଚ କରାଯିବ। ପ୍ରୋପେଲାଣ୍ଟ ମଡ୍ୟୁଲ୍ ‘ଲ୍ୟାଣ୍ଡର’ ଏବଂ ‘ରୋଭର’ କୁ ଚନ୍ଦ୍ରର ୧୦୦ କିଲୋମିଟର କକ୍ଷପଥକୁ ନେଇଯିବ। ଏଥିରେ ଚନ୍ଦ୍ରର କକ୍ଷପଥରୁ ପୃଥିବୀର ଧୃବୀୟ ମାପକୁ ଅଧ୍ୟୟନ କରିବା ପାଇଁ ଏକ ‘ସ୍ପେକ୍ଟ୍ରୋ-ପୋଲାରମେଟ୍ରି’ ପେଲୋଡ୍ ମଧ୍ୟ ଯୋଗ କରାଯାଇଛି।