ଭୁବନେଶ୍ଵର: ଆଜି କ୍ରାଇମବ୍ରାଞ୍ଚ ଏସଟିଏଫକୁ ବଡ ସଫଳତା ମିଳିଛି। ଖୋର୍ଦ୍ଧା ବାଘମାରୀ ଅଞ୍ଚଳରୁ ୧ କୋଟି ଟଙ୍କା ମୂଲ୍ୟର ବ୍ରାଉନ ସୁଗାର ଜବତ କରିଛି। ଏହା ସହିତ ଜଣେ ଅଭିଯୁକ୍ତଙ୍କୁ ଏସଟିଏଫ ଗିରଫ କରିଛି।
ସୂଚନା ଅନୁଯାୟୀ, ଖୋର୍ଦ୍ଧା ବାଘମାରୀ ଅଞ୍ଚଳରେ ବ୍ରାଉନ ସୁଗାର ଡିଲ ହେଉଥିବାର ଏସଟିଏଫ ପାଖକୁ ସୂଚନା ଆସିଥିଲା। ତେବେ ବିଳମ୍ବ ନକରି କାରବାର ଚାଲିଥିବା ବେଳେ ଏସଟିଏଫ ଘଟଣାସ୍ଥଳରେ ପହଞ୍ଚିଯାଇଥିଲା। ଯାହାଫଳରେ ଏସଟିଏଫ ୧ କିଲୋ ୧୦୦ ଗ୍ରାମର ବ୍ରାଉନସୁଗାର ଜବତ କରିବାରେ ସଫଳ ହୋଇଥିଲା। ଏବଂ ସେଠାରୁ ଜଣେ ଡିଲରଙ୍କୁ ଏସଟିଏଫ ଗିରଫ କରିଥିଲା।
