ନୂଆଦିଲ୍ଲୀ: ଏଥର ୨୪ ଟି ଦଳ ବାଙ୍ଗାଲୋରରେ ହେବାକୁ ଥିବା ବିରୋଧୀ ଦଳର ଦ୍ୱିତୀୟ ବୈଠକରେ ଭାଗ ନେବାକୁ ଯାଉଛନ୍ତି। ଏହି ସମ୍ମିଳନୀରେ ଇଣ୍ଡିଆନ୍ ୟୁନିଅନ୍ ମୁସଲିମ୍ ଲିଗ୍ ସମେତ ୨୪ ଟି ଦଳ ଆମନ୍ତ୍ରଣ କରାଯାଇଛି। ଜୁଲାଇ ୧୮ ତାରିଖରେ, ବେଙ୍ଗାଲୁରୁରେ ସମସ୍ତ ଦଳ ଏକଜୁଟ ହେବେ। ଜୁନ୍ ୨୩ ତାରିଖ ଦିନ ପାଟନାରେ ବିରୋଧୀ ଦଳର ପ୍ରଥମ ବୈଠକ ଅନୁଷ୍ଠିତ ହୋଇଥିଲା ଯେଉଁଥିରେ ୧୫ ରୁ ଅଧିକ ଦଳ ଅଂଶଗ୍ରହଣ କରିଥିଲେ।
ସୂଚନା ଅନୁଯାୟୀ କଂଗ୍ରେସ ସମସ୍ତ ୨୪ ଟି ଦଳକୁ ଏହି ବୈଠକ ପାଇଁ ଆମନ୍ତ୍ରଣ କରିଛି। ବୈଠକର ଗୋଟିଏ ଦିନ ପୂର୍ବରୁ ବିରୋଧୀ ଦଳଙ୍କ ପାଇଁ କଂଗ୍ରେସ ରାତ୍ରୀ ଭୋଜନ ମଧ୍ୟ କରିଛି। ଦକ୍ଷିଣ ଭାରତର ଅନେକ ବିରୋଧୀ ଦଳ ମଧ୍ୟ ଏହି ବୈଠକରେ ଯୋଗଦେବାକୁ ଆମନ୍ତ୍ରଣ କରାଯାଇଛି। ସୂତ୍ରରୁ ପ୍ରକାଶ ଯେ ପାଟନା ବୈଠକ ତୁଳନାରେ କଂଗ୍ରେସର ବିରୋଧୀ ଦଳରବୈଠକରେ ଆଉ ୮ ଟି ଦଳ ଅଂଶଗ୍ରହଣ କରିବେ।
କଂଗ୍ରେସ ପକ୍ଷରୁ ଏମଡିଏମକେ, କେଡିଏମକେ, ଭିସିକେ, ଆରଏସପି, ଅଲ ଇଣ୍ଡିଆ ଫରୱାର୍ଡ ବ୍ଲକ, ଇଣ୍ଡିଆନ ୟୁନିଅନ ମୁସଲିମ ଲିଗ, କେରଳ କଂଗ୍ରେସ (ଜୋସେଫ) ଏବଂ କେରଳ କଂଗ୍ରେସ (ମଣି) ବେଙ୍ଗାଲୁରୁରେ ଯୋଗଦେବା ପାଇଁ ମଧ୍ୟ ଡକାଯାଇଛି।
