ଅହମ୍ମଦାବାଦ: ଆଦାନୀ ଗ୍ରୁପ୍ର ଚେୟାରମ୍ୟାନ୍ ଗୌତମ ଆଦାନୀ ଆଜି ଗ୍ରୁପର ଏଜିଏମ୍କୁ ସମ୍ବୋଧିତ କରିବାବେଳେ ଦଳର ଫ୍ଲାଗସିପ୍ କମ୍ପାନୀ ଆଦାନୀ ଏଣ୍ଟରପ୍ରାଇଜେସ୍ ଏବଂ ଗ୍ରୁପର ଅଗ୍ରଗତି ଏବଂ ସାମ୍ପ୍ରତିକ ସ୍ଥିତି ବିଷୟରେ ଅଂଶୀଦାରମାନଙ୍କୁ ସୂଚନା ଦେଇଛନ୍ତି। ତାଙ୍କ ବକ୍ତବ୍ୟ ସମୟରେ ଗୌତମ ଆଦାନୀ ଅଂଶୀଦାରମାନଙ୍କୁ କମ୍ପାନୀ ଉପରେ ହୋଇଥିବା ଆକ୍ରମଣ ଏବଂ କମ୍ପାନୀର ଶକ୍ତି ବିଷୟରେ କହିଥିଲେ। ଏହି ଅବଧିରେ ମଧ୍ୟ ନିବେଶକଙ୍କ ବିଶ୍ୱାସ କିପରି କମ୍ପାନୀ ଉପରେ ରହିଲା ତାହା ମଧ୍ୟ କହିଲେ।
ଅର୍ଥନୀତି ଉପରେ ଗୌତମ ଆଦାନୀ:
– ୨୦୫୦ ସୁଦ୍ଧା ଭାରତ ବିଶ୍ୱର ଦ୍ୱିତୀୟ ବୃହତ୍ତମ ଅର୍ଥନୀତିରେ ପରିଣତ ହେବ।
– ଭାରତ ଯାହା ପୂର୍ବରୁ ବିଶ୍ଵର ୫ ମ ବୃହତ୍ତମ ଅର୍ଥନୀତି ଅଟେ ୨୦୩୦ ପୂର୍ବରୁ ଏହା ତୃତୀୟ ବୃହତ୍ତମ ହେବ।
– ଆମ ଦେଶର ଜନସଂଖ୍ୟାଗତ ଡିଭିଡେଣ୍ଡ ରେକର୍ଡ ବେଗରେ ବ୍ୟବହାର ଏବଂ ଟିକସ ପ୍ରଦାନକାରୀ ସମାଜର ଅଭିବୃଦ୍ଧିକୁ ତ୍ୱରାନ୍ୱିତ କରିବ ବୋଲି ଆଶା କରାଯାଉଛି।
– ମିଳିତ ଜାତିସଂଘର ଜନସଂଖ୍ୟା ପାଣ୍ଠି ଆକଳନ କରିଛି ଯେ, ୨୦୫୦ ମସିହାରେ ମଧ୍ୟ ଭାରତର ହାରାହାରି ବୟସ ମାତ୍ର 3୩୮ ବର୍ଷ ହେବ।
ସେ ଆହୁରୀ କ’ଣ କହିଛନ୍ତି?
ମୁଁ ଅନୁମାନ କରୁଛି ଯେ, ଆସନ୍ତା ଦଶନ୍ଧି ମଧ୍ୟରେ ଭାରତ ପ୍ରତି ୧୮ ମାସରେ ଜିଡିପିରେ ୧ ଟ୍ରିଲିୟନ ଡଲାର ଯୋଡିବା ଆରମ୍ଭ କରିବ।
ଭାରତର ଜନସଂଖ୍ୟା ପ୍ରାୟ ୧୫% ବୃଦ୍ଧି ପାଇ ୧୬୦ କୋଟି ହେବ ବୋଲି ଆଶା କରାଯାଉଛି, କିନ୍ତୁ ମୁଣ୍ଡପିଛା ଆୟ ୭୦୦% ରୁ ଅଧିକ ହୋଇ ପ୍ରାୟ ୧୬ ହଜାର ଆମେରିକୀୟ ଡଲାରକୁ ବୃଦ୍ଧି ପାଇବ।
ଏହା ଆମକୁ ୨୦୫୦ ସୁଦ୍ଧା ୨୫ ରୁ ୩୦ ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବ।
ଭାରତର ଷ୍ଟକ୍ ମାର୍କେଟ୍ କ୍ୟାପ୍ ୪୦ ଟ୍ରିଲିୟନ୍ ଡଲାରରୁ ଅଧିକ ଅର୍ଥାତ୍ ସାମ୍ପ୍ରତିକ ସ୍ତରରୁ ପ୍ରାୟ ୧୦ ଗୁଣ ନେଇଯିବ।