ଭୁବନେଶ୍ବର: ଆଜି ପ୍ରବଳ ବର୍ଷାରେ ଭୁବନେଶ୍ବରର ଅବସ୍ଥା ସାଙ୍ଘାତିକ ହୋଇପଡିଛି। ରାଜଧାନୀର ବିଭିନ୍ନ ସ୍ଥାନରେ କୃତ୍ରିମ ହ୍ରଦ ସୃଷ୍ଟି ହୋଇଛି। ରାସ୍ତାଘାଟରେ ଆଣ୍ଠୁଏ ଲେଖାଏଁ ପାଣି ନଦୀ ପରି ପ୍ରବାହିତ ହୋଇଛି। ଆଜି ସକାଳୁ ଲଗାତର ରାତି ପର୍ଯ୍ୟନ୍ତ ଏହି ବର୍ଷା ହେବା ଦ୍ବାରା ଏପରି ପରିସ୍ଥିତି ସୃଷ୍ଟି ହୋଇଛି।
ଏହି ପ୍ରବଳ ବର୍ଷାରେ ଭୁବନେଶ୍ବରର ଏମସ୍ ପାଚେରୀ ଭୁଷୁଡି ପଡିଛି। ଏହାଦ୍ବାରା ସେଠାରେ ଥିବା ତିନିଜଣ ଆହତ ହୋଇଛନ୍ତି। ଏହି ଖବର ପାଇବା ପରେ ଅଗ୍ନଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ସେମାନଙ୍କୁ ହସପିଟାଲରେ ଭର୍ତ୍ତି କରିଥିବାର ଜଣାପଡିଛି।
Tags: ଏମସ ଭୁବନେଶ୍ବର, ପ୍ରବଳ ବର୍ଷା
