ନୂଆଦିଲ୍ଲୀ: ତୃତୀୟ ଟି -୨୦ ମ୍ୟାଚରେ ୱେଷ୍ଟଇଣ୍ଡିଜକୁ ଭାରତ ପରାସ୍ତ କରିଛି। ଭାରତୀୟ ଦଳ ୱେଷ୍ଟଇଣ୍ଡିଜକୁ ୭ ୱିକେଟରେ ପରାସ୍ତ କରିଛି। ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଭାରତୀୟ ଦଳ ଜିତିବା ପାଇଁ ୧୬୦ରନ ଲକ୍ଷ୍ୟ ରଖିଥିଲା। ୧୭.୫ ଓଭରରେ ୩ ୱିକେଟ୍ ହରାଇ ୧୬୪ ରନ୍ ସ୍କୋର କରି ଟିମ୍ ଇଣ୍ଡିଆ ମ୍ୟାଚ୍ ଜିତିଛି। ଏହିପରି ୫ ମ୍ୟାଚ ବିଶିଷ୍ଟ ଟି -୨୦ ସିରିଜ୍ ୨-୧ ରେ ପହଞ୍ଚିଛି। ଟିମ୍ ଇଣ୍ଡିଆର ବିଜୟର ହିରୋ ଥିଲେ ସୂର୍ଯ୍ୟକୁମାର ଯାଦବ। ସୂର୍ଯ୍ୟକୁମାର ଯାଦବ ୪୪ ବଲରେ ୮୩ ରନ୍ ସଂଗ୍ରହ କରିଥିଲେ। ସେ ନିଜ ଇନିଂସରେ ୧୦ ଟି ଚୌକା ଓ ୪ ଟି ଛକା ମାରିଥିଲେ। ଏହା ବ୍ୟତୀତ ତିଲକ ବର୍ମା ୩୭ ବଲରେ ୪୯ ରନ୍ ସଂଗ୍ରହ କରିଥିଲେ।
ସୂର୍ଯ୍ୟକୁମାର ଯାଦବ ଏବଂ ତିଲକ ବର୍ମା ମ୍ୟାଚ ପରିବର୍ତ୍ତନ କରିଥିଲେ:
ୱେଷ୍ଟଇଣ୍ଡିଜର ୧୫୯ ରନ୍ ଜବାବରେ ଟିମ୍ ଇଣ୍ଡିଆର ବ୍ୟାଟିଂ ଆରମ୍ଭ ବହୁତ ଖରାପ ଥିଲା। ଭାରତୀୟ ଦଳକୁ ପ୍ରଥମ ଝଟକା ୬ ରନ୍ ସ୍କୋର ବେଳେ ଲାଗିଥିଲା। ଟିମ୍ ଇଣ୍ଡିଆ ପାଇଁ ଡେବ୍ୟୁ ମ୍ୟାଚ୍ ଖେଳୁଥିବା ଯଶାସଭି ଜୟସ୍ଵାଲ ୨ ବଲରେ ୧ ରନ୍ ସଂଗ୍ରହ କରିଥିଲେ। ଏଥିସହିତ ଶୁବମାନ ଗିଲ ୧୧ ବଲରେ ୬ ରନ୍ ସ୍କୋର କରି ଆଉଟ ହୋଇଯାଇଥିଲେ। ୩୪ ରନ୍ ପାଇଁ ୨ ୱିକେଟ୍ ହରାଇବା ପରେ ଭାରତୀୟ ଦଳ ସଂଘର୍ଷ କରିଥିଲା, କିନ୍ତୁ ସୂର୍ଯ୍ୟକୁମାର ଯାଦବ ଏବଂ ତିଲକ ବର୍ମା ଏକ ଉଜ୍ଜ୍ୱଳ ଭାଗିଦାରୀ ସହ ଦଳକୁ ଅସୁବିଧାରୁ ବାହାର କରିଥିଲେ। ସୂର୍ଯ୍ୟକୁମାର ଯାଦବ ଏବଂ ତିଲକ ବର୍ମାଙ୍କ ମଧ୍ୟରେ ତୃତୀୟ ୱିକେଟ୍ ପାଇଁ ୮୭ ରନ୍ ଭାଗିଦାରୀ ହୋଇଥିଲା।
