ନୂଆଦିଲ୍ଲୀ: ଚନ୍ଦ୍ରଯାନ-୩ ନିର୍ଦ୍ଧାରିତ ବେଗରେ ଗତି କରୁଛି। ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଏକ ନୂଆ ଅପଡେଟ୍ ଦେଇଛି। ଚନ୍ଦ୍ରଯାନ-୩ର ଲ୍ୟାଣ୍ଡର ମଡ୍ୟୁଲ ଏହାର କକ୍ଷପଥକୁ ୧୧୩ କିଲୋମିଟର x ୧୫୭ କିଲୋମିଟର କକ୍ଷପଥକୁ ହ୍ରାସ କରିଛି। ଲ୍ୟାଣ୍ଡିଂ ମଡ୍ୟୁଲରେ ବିକ୍ରମ ଲ୍ୟାଣ୍ଡର ଓ ପ୍ରଜ୍ଞାନ ରୋଭର ରହିଛନ୍ତି। ଅଗଷ୍ଟ ୨୦ତାରିଖରେ ଦ୍ୱିତୀୟ ଡି-ବୁଷ୍ଟିଂ ଅପରେସନ୍ କରାଯିବାର ଯୋଜନା ରହିଛି। ଭାରତ ଶୋଇବା ପରେ ଚନ୍ଦ୍ରଯାନ-୩ ଏହି ଅପରେସନ୍ କରିବ। ଏହା ନିଜର ବେଗକୁ ଧିମା କରି ଚନ୍ଦ୍ରର ନିକଟତମ କକ୍ଷପଥରେ ପ୍ରବେଶ କରିବ। ଚଳିତ ବର୍ଷ ଜୁଲାଇ ୧୪ରେ ଉତକ୍ଷେପଣ ହୋଇଥିବା ଚନ୍ଦ୍ରଯାନ-୩ ଅଭିଯାନ ଭାରତର ଚନ୍ଦ୍ର ଅଭିଯାନର ଅନୁସରଣ। ଅଗଷ୍ଟ ୨୩ରେ ଚନ୍ଦ୍ର ପୃଷ୍ଠରେ ସଫ୍ଟ ଲ୍ୟାଣ୍ଡିଂ ପରେ ଚନ୍ଦ୍ରଯାନ-୩ ସେଠାରେ ଯଥାସମ୍ଭବ ତଥ୍ୟ ସଂଗ୍ରହ କରିବ।
ଅଗଷ୍ଟ ୨୩କୁ ସମସ୍ତଙ୍କ ନଜର
କେବଳ ଭାରତ ନୁହେଁ, ସାରା ବିଶ୍ୱ ୨୦୨୩ ଅଗଷ୍ଟ ୨୩କୁ ଉତ୍ସୁକତାର ସହ ଅପେକ୍ଷା କରିଛି। ଇସ୍ରୋ ବୈଜ୍ଞାନିକଙ୍କ କହିବା ଅନୁଯାୟୀ, ଏହି ଦିନ ଚନ୍ଦ୍ରଯାନ-୩କୁ ଚନ୍ଦ୍ରର ଦକ୍ଷିଣ ମେରୁରେ ସଫ୍ଟ ଲ୍ୟାଣ୍ଡିଂ କରିବାକୁ ପଡ଼ିବ। ଲ୍ୟାଣ୍ଡର ‘ବିକ୍ରମ’ ଏବେ ନିଜର ମସ୍ତିଷ୍କ ବ୍ୟବହାର କରୁଛି। ଏହାର ସେନ୍ସର ସାହାଯ୍ୟରେ ସେ ଅବତରଣ ପାଇଁ ଉପଯୁକ୍ତ ସ୍ଥାନ ପାଇବେ। ତା’ପରେ ଏହାର ବେଗ ପ୍ରାୟ ଶୂନକୁ ହ୍ରାସ ପାଇବ। ତା’ପରେ ଧୀରେ ଧୀରେ ଚନ୍ଦ୍ର ପୃଷ୍ଠରେ ପାଦ ରଖିବେ।
ଲ୍ୟାଣ୍ଡିଂ ମଡ୍ୟୁଲ୍ ସଫଳତାର ସହ ଚନ୍ଦ୍ରରେ ଅବତରଣ କରିବା ପରେ ସେଥିରୁ ରୋଭର ପ୍ରଜ୍ଞାନ ବାହାରିବ। ଲ୍ୟାଣ୍ଡର ମଡ୍ୟୁଲରେ ତିନୋଟି ପେଲୋଡ୍ ଅଛି ଯାହା ଚନ୍ଦ୍ର ପୃଷ୍ଠକୁ ଅଧ୍ୟୟନ କରିବ। ଚନ୍ଦ୍ରର ରାସାୟନିକ ଇଲାଷ୍ଟିସିଟି ପାଇଁ ଏହି ରୋଭର ଦାୟୀ ରହିବ। ରୋଭର ସେଠାକାର ମାଟି ଓ ପର୍ବତର ବିଶ୍ଳେଷଣ କରିବ।