ନୂଆଦିଲ୍ଲୀ: ୨୦୨୩ ଶେଷ ସୁଦ୍ଧା ବର୍ତ୍ତମାନର ଇଞ୍ଜିନିୟରିଂ ଏବଂ ଚୁକ୍ତିନାମା ପ୍ରକ୍ରିୟାରୁ ବିଲ୍ଡ ଅପରେଟ୍ ଟ୍ରାନ୍ସଫର (BOT) ଏବଂ ହାଇବ୍ରିଡ୍ ଆନ୍ୟୁଟି (HAM) ମଡେଲକୁ ସ୍ଥାନାନ୍ତରିତ କରି ଜାତୀୟ ରାଜପଥକୁ ଗାଢା ମୁକ୍ତ କରିବାକୁ ସରକାର ଲକ୍ଷ୍ୟ ରଖିଛନ୍ତି।
ବିଲ୍ଡ ଅପରେଟ୍ ଟ୍ରାନ୍ସଫର୍ (BOT) ଏବଂ ହାଇବ୍ରିଡ୍ ଆନ୍ୟୁଟି (HAM) ମଡେଲ୍ ଅଧୀନରେ କାର୍ଯ୍ୟ କରାଯିବ
କାର୍ବନ ଫୁଟ୍ ପ୍ରିଣ୍ଟ ହ୍ରାସ ଦିଗରେ ତାଙ୍କ ମନ୍ତ୍ରଣାଳୟ ଦ୍ୱାରା ନିଆଯାଇଥିବା ପଦକ୍ଷେପ ବିଷୟରେ ନିତିନ ଗଡକରୀ କହିଛନ୍ତି ଯେ, ବିଲ୍ଡ ଅପରେଟ ଟ୍ରାନ୍ସଫର (BOT) ଅଧୀନରେ ଥିବା ରାଜପଥଗୁଡିକର ରକ୍ଷଣାବେକ୍ଷଣ ଦାୟିତ୍ଵ ହେବ। ଯେଉଁଥିପାଇଁ ରାସ୍ତାର ଗୁଣବତ୍ତା ଭଲ ହେବ। ଏଥିରେ ସେଗୁଡିକର ରକ୍ଷଣାବେକ୍ଷଣ ମୂଲ୍ୟ ହ୍ରାସ କରିବ।
୧,୪୬,୦୦୦ କିଲୋମିଟର ରାଜପଥର ରୂପରେଖା ପ୍ରସ୍ତୁତ:
ଏହା ବ୍ୟତୀତ ଅନ୍ୟ ଏକ ନୀତି ଉପରେ କାର୍ଯ୍ୟ ଚାଲିଛି, ଏହା କାର୍ଯ୍ୟକାରୀ ହେବା ପରେ ଜାତୀୟ ରାଜପଥରୁ ଗାତଗୁଡିକ ଅଦୃଶ୍ୟ ହୋଇଯିବ। ଯେଉଁଥି ପାଇଁ ଇଞ୍ଜିନିୟରମାନେ ନିୟୋଜିତ ଅଛନ୍ତି। ଏଥିପାଇଁ ୧,୪୬,୦୦୦ କିଲୋମିଟର ଜାତୀୟ ରାଜପଥର ଏକ ରୂପରେଖା ପ୍ରସ୍ତୁତ କରାଯାଇଛି, ଯାହା ଅଧୀନରେ ରକ୍ଷଣାବେକ୍ଷଣ କରାଯିବ। ଯାହାଫଳରେ ଡିସେମ୍ବର ଶେଷ ସୁଦ୍ଧା ଜାତୀୟ ରାଜପଥଗୁଡିକ ଖାଲରୁ ମୁକ୍ତ ହୋଇପାରିବ। ସୂଚନାନୁସାରେ, ୫୦୦ କୋଟିରୁ ଅଧିକ ବଜେଟ୍ ଥିବା ସମସ୍ତ ପ୍ରକଳ୍ପ ପାଇଁ ଇପିସି ମଡେଲ୍ ପରିବର୍ତ୍ତେ ବିଲ୍ଡ ଅପରେଟ୍ ଟ୍ରାନ୍ସଫର୍ (BOT) ଏବଂ ହାଇବ୍ରିଡ୍ ଆନ୍ୟୁଟି (HAM) ମଡେଲ୍ ଅଧୀନରେ କାର୍ଯ୍ୟ କରାଯିବ।
ସେଥିପାଇଁ ଆକ୍ସନ ମୋଡରେ ସରକାର:
ବାସ୍ତବରେ ଦେଶର ସଡ଼କ ଦୁର୍ଘଟଣାକୁ ନେଇ ସରକାର ଚିନ୍ତିତ ଅଛନ୍ତି, ଯେଉଁଥିପାଇଁ ପ୍ରତିବର୍ଷ ଲକ୍ଷ ଲକ୍ଷ ଲୋକ ପ୍ରାଣ ହରାନ୍ତି। ଏହି କାରଣରୁ ଗୋଟିଏ ପରେ ଗୋଟିଏ ସରକାର ନିରନ୍ତର ଉଦ୍ୟମ କରୁଛନ୍ତି। ଯାହାଦ୍ୱାରା ଦୁର୍ଘଟଣା ହ୍ରାସ ହୋଇପାରିବ। ଅନ୍ୟପକ୍ଷରେ ସରକାର ମଧ୍ୟ ଭାରତ ଏନସିଏପି ଆରମ୍ଭ କରିଛନ୍ତି। ବର୍ତ୍ତମାନ ଦେଶରେ ଉତ୍ପାଦିତ ଯାନଗୁଡିକ ସୁରକ୍ଷା ମୂଲ୍ୟାୟନ (ସେଫ୍ଟି ରେଟିଂ) ପାଇବା ପାଇଁ ଦେଶ ବାହାରକୁ ଯିବାକୁ ପଡିବ ନାହିଁ।