ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଆଜି ‘କ୍ରିଷ୍, ତ୍ରିସ୍ ଓ ବାଲ୍ଟିବଏ –ଭାରତ ହେଁ ହମ୍’ ଟ୍ରେଲର ଶୁଭାରମ୍ଭ କରିଛନ୍ତି, ଯାହା ଦୁଇଟି ସିଜିନକୁ ନେଇ ଗଠିତ ଏକ ଆନିମେଟେଡ୍ ସିରିଜ୍। ସେଣ୍ଟ୍ରାଲ୍ ବ୍ୟୁରୋ ଅଫ୍ କମ୍ୟୁନିକେସନ, ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଏବଂ ଗ୍ରାଫିଟି ଷ୍ଟୁଡିଓ ଦ୍ୱାରା ଏହା ନିର୍ମିତ। ଏହି ସିରିଜରେ ୫୨ ଟି ଏପିସୋଡ ରହିଛି ପ୍ରତ୍ୟେକ ଏପିସୋଡ଼ ୧୧ ମିନିଟ୍ ଅବଧିର ଅଟେ। ଏଥିରେ ୧୫୦୦ ରୁ ୧୯୪୭ ପର୍ୟ୍ୟନ୍ତ ଭାରତୀୟ ସ୍ୱାଧୀନତା ସଂଗ୍ରାମର କାହାଣୀ ରହିଛି। ଏହି ସିରିଜରେ ରହିଛନ୍ତି ଆନିମେଟେଡ୍ କ୍ୟାରେକ୍ଟର କ୍ରିଷ୍, ତ୍ରିଶ ଓ ବାଲ୍ଟି ବଏ ଯେଉଁମାନେ ଏହାକୁ ପରିବେଷଣ କରୁଛନ୍ତି। ଗ୍ରାଫିଟି ଷ୍ଟୁଡିଓରୁ ମୁଞ୍ଜାଲ୍ ଶ୍ରଫ୍ ଏବଂ ତିଲକରାଜ ଶେଟ୍ଟୀଙ୍କ ପ୍ରସିଦ୍ଧ ଯୋଡି ଏହି ସିରିଜ୍ ନିର୍ମାଣ କରିଛନ୍ତି।
ଏହି ଅବସରରେ ମନ୍ତ୍ରୀ ଶ୍ରୀ ଠାକୁର କହିଛନ୍ତି ଯେ ସ୍ୱାଧୀନତା ସଂଗ୍ରାମର ଅଳ୍ପ ଜଣାଶୁଣା କିନ୍ତୁ ମହତ୍ତ୍ବପୂର୍ଣ୍ଣ ଯୋଗଦାନକାରୀ ଏବଂ ଯଥେଷ୍ଟ ଉଲ୍ଲେଖ କରାଯାଇ ନ ଥିବା ସଂଗ୍ରାମୀ ମାନଙ୍କ ବିଷୟରେ ଯୁବକମାନଙ୍କୁ ଶିକ୍ଷା ଦେବା ପାଇଁ ଏହି ଧାରାବାହିକ ହେଉଛି ଏକ ପ୍ରୟାସ।
ଏଥି ସହିତ ଏହି ସିରିଜ୍ ଯୁବପୀଢ଼ିଙ୍କୁ ପ୍ରେରଣା ଦେବା ପାଇଁ ଏକ ପ୍ରୟାସ କରୁଛି ଯେଉଁମାନଙ୍କ ଉଦ୍ୟମ ଆଧୁନିକ ଭାରତର ରୂପ ନେଇଛି। ବିଦେଶୀ ଭାଷା ସମେତ ଏକାଧିକ ଭାଷାରେ ଏହାର ରିଲିଜ୍ ହେବା ସହିତ ଭାଷା ପ୍ରତିବନ୍ଧକ ଅତିକ୍ରମ କରିବ ଏବଂ ସେମାନଙ୍କ କାହାଣୀ ସମଗ୍ର ବିଶ୍ୱ ପାଖରେ ପହଞ୍ଚିବ ବୋଲି ସେ କହିଛନ୍ତି। ଶ୍ରୀ ଠାକୁର ମନ୍ତବ୍ୟ ଦେଇଛନ୍ତି ଯେ ଦୂରଦର୍ଶନ, ନେଟଫ୍ଲିକ୍ସ ଏବଂ ଆମାଜନ ପ୍ରାଇମ ଏହି ଆନିମେଟେଡ୍ ସିରିଜକୁ ଏକ ସମୟରେ ଟେଲିକାଷ୍ଟ କରିବେ, ଯାହା ପୂର୍ବରୁ କେବେ କରାଯାଇ ନାହିଁ। ଏହି ସିରିଜର ଏକ ପ୍ରମୁଖ କେନ୍ଦ୍ର ହେଉଛି ବିଦେଶୀ ଉପନିବେଶକାରୀଙ୍କ ବିରୋଧରେ ସଂଗ୍ରାମରେ ମହିଳା ଏବଂ ଆଦିବାସୀ ସ୍ୱାଧୀନତା ସଂଗ୍ରାମୀଙ୍କ ଅବଦାନ।
ଆସନ୍ତା ଅଧିବେଶନରେ ଏହି ସିରିଜ୍ ସମସ୍ତ ସାଂସଦକୁ ପ୍ରଦର୍ଶିତ କରାଯିବ ବୋଲି ମନ୍ତ୍ରୀ ଘୋଷଣା କରିଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପଞ୍ଚ ପ୍ରାଣକୁ ଦୋହରାଇ ସେ ଲୋକମାନଙ୍କୁ ରାଷ୍ଟ୍ର ନିର୍ମାଣରେ ସେମାନଙ୍କର ଭୂମିକା ଗ୍ରହଣ କରିବାକୁ ଉତ୍ସାହିତ କରି କହିଛନ୍ତି। ସ୍ୱାଧୀନତା ସଂଗ୍ରାମୀମାନେ ବଳିଦାନ ଦେଇଥିବା ବେଳେ ଆଜିର ଯୁବପୀଢ଼ି ଆମର ଦେଶକୁ ଅମୃତକାଳରୁ ସ୍ବର୍ଣ୍ଣିମ କାଳ ପର୍ୟ୍ୟନ୍ତ ନେଇଯିବା ପାଇଁ ସହଯୋଗ କରିବାକୁ ପଡିବ।
ସଚିବ, ଆଇ ଆଣ୍ଡ ବି, ଶ୍ରୀ ଅପୂର୍ବ ଚନ୍ଦ୍ର କହିଛନ୍ତି ଯେ ମନ୍ତ୍ରଣାଳୟ ପାଇଁ ଏହା ଏକ ସ୍ମରଣୀୟ ଘଟଣା, କାରଣ ଏହା ପ୍ରଥମ ଥର ପାଇଁ ଆନିମେଟେଡ୍ ସିରିଜ୍ ଲଞ୍ଚ କରୁଛି, ଯାହା ସାଧାରଣତଃ ଭାରତର ଲୋକ ଏବଂ ଦେଶର ପିଲାମାନଙ୍କ ପାଇଁ ଉଦ୍ଦିଷ୍ଟ। ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ଏହା ହେଉଛି ପ୍ରଥମ ଥର ପାଇଁ ସେଣ୍ଟ୍ରାଲ୍ ବ୍ୟୁରୋ ଅଫ୍ କମ୍ୟୁନିକେସନ ଆୟ ସୃଷ୍ଟିକାରୀ ଡୋମେନରେ ପ୍ରବେଶ କରୁଛି।
ମୁଞ୍ଜାଲ ଶ୍ରୋଲ ଦର୍ଶକଙ୍କୁ ସୂଚନା ଦେଇଛନ୍ତି ଯେ, ଏହି ବୃହତ୍ ପ୍ରୟାସରେ ଏକ ହଜାରରୁ ଅଧିକ ଲୋକମାନେ ସାମିଲ୍ ହୋଇଛନ୍ତି। ଏହାର ପ୍ରସ୍ତୁତି ଉପରେ ସୂଚନା ପ୍ରଦାନ କରି ସେ କହିଛନ୍ତି ଯେ ଏକ ସାଧାରଣ ଆନିମେସନ୍ ଶୋରେ ପ୍ରାୟ ୪୦ ବ୍ୟାକଗ୍ରାଉଣ୍ଡ ସହିତ ୨୫ ରୁ ୩୦ ଚରିତ୍ର ଥିବାବେଳେ ଭରତ ହେଁ ହମ୍ ର ଗୋଟିଏ ଏପିସୋଡରେ ପ୍ରାୟ ୫୦ ରୁ ୧୦୦ ଚରିତ୍ର ଏବଂ ହାରାହାରି ୫୦ ବ୍ୟାକଗ୍ରାଉଣ୍ଡ ରହିଛି।
କେଟିବି ଭାରତ ହେଁ ହମ୍ ବିଷୟରେ ସୂଚନା ଓ ପ୍ରସାରଣ ମନ୍ତ୍ରଣାଳୟ ଆମ ଗୌରବମୟ ସ୍ୱାଧୀନତା ସଂଗ୍ରାମ ତଥା ଆମ ଦେଶ ପାଇଁ ସର୍ବୋଚ୍ଚ ବଳିଦାନ ଦେଇଥିବା ଦେଶର ଅନେକ ହିରୋଙ୍କ ବିଷୟରେ ଭାରତର ପିଲାମାନଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଏକ ଅଭିଯାନ ସୃଷ୍ଟି କରିବାକୁ ନିଷ୍ପତ୍ତି ନେଇଛି।
ପ୍ରତ୍ୟେକ ଏପିସୋଡରେ ଲୋକପ୍ରିୟ ଚରିତ୍ର କ୍ରିଷ, ତ୍ରିଶ, ଏବଂ ବାଲ୍ଟି ବଏ ରହିବେ – ପୂର୍ବରୁ ଖ୍ୟାତନାମା କେଟିବି ଚଳଚ୍ଚିତ୍ର ଧାରାବାହିକରୁ ପ୍ରସିଦ୍ଧ, ଏହି ନାୟକମାନଙ୍କର କାହାଣୀକୁ ପ୍ରକାଶ କରୁଥିବା ସୂଚନା ପ୍ରଦାନ କରିବେ।
ସ୍ୱାଧୀନତା ପାଇଁ ଭାରତର ସଂଗ୍ରାମର ବିବିଧତାକୁ ଗ୍ରହଣ କରି ଏହି ସିରିଜ୍ ବିଭିନ୍ନ ଅଞ୍ଚଳ ଦେଇ ଯାତ୍ରା କରିବ, ଯେଉଁଥିରେ ହିମାଚଳ ପ୍ରଦେଶ, ପଶ୍ଚିମ ବଙ୍ଗ, ପଞ୍ଜାବ, କେରଳ ତଥା ଅନ୍ୟାନ୍ୟ ରାଜ୍ୟରୁ ଆସିଥିବା ସ୍ୱାଧୀନତା ସଂଗ୍ରାମୀମାନେ ଯୋଗଦେବେ। ସେଣ୍ଟ୍ରାଲ୍ ବ୍ୟୁରୋ ଅଫ୍ କମ୍ୟୁନିକେସନ୍ ଆଣ୍ଡ ଗ୍ରାଫିଟି ଷ୍ଟୁଡିଓ ଦ୍ବାରା ପ୍ରସ୍ତୁତ କରାଯାଇଥିବା ଏହି ସିରିଜରେ ବିଶ୍ବାସ ଏବଂ ଏକତାର ଏକ ଚିତ୍ର ରହିଛି ଯାହା ଧାର୍ମିକ ପ୍ରତିବନ୍ଧକକୁ ଅତିକ୍ରମ କରି ଦେଶର ବିଶ୍ବାସ ଏବଂ ସଦଭାବନାକୁ ଏକତ୍ର କରିଥାଏ।
ଅନେକ ମହାନ ସଂଗ୍ରାମୀ ଯଥା ରାନୀ ଆବାକ୍କା, ତିଲକା ମାଞ୍ଝୀ, ତିରୋତ ସିଂ, ପିର ଅଲି, ତାତ୍ୟା ଟୋପେ, କୋଟୱାଲ ଧନ ସିଂ, କୁନୱର ସିଂ (ଜଣେ ୮୦ ବର୍ଷ ବୟସ୍କ ସ୍ୱାଧୀନତା ସଂଗ୍ରାମୀ), ରାନୀ ଚେନ୍ନାମା, ଟିକେନ୍ଦ୍ର ଜିତ ସିଂ ଏବଂ ଆହୁରି ଅନେକ ଏହି ଏହି ଆନିମେଟେଡ୍ ମାଷ୍ଟରପିସ୍ ମାଧ୍ୟମରେ ଇତିହାସରେ ସେମାନଙ୍କର ଉପଯୁକ୍ତ ସ୍ଥାନ ପାଇପାରିବେ।
ମୁଞ୍ଜାଲ୍ ଶ୍ରଫ୍ ଏବଂ ତିଲକ ଶେଟ୍ଟୀଙ୍କ ପ୍ରତିଭାବାନ ଦକ୍ଷତା ଦ୍ୱାରା ନିର୍ମିତ ଏହି ସିରିଜ୍ ସିଜନ୍ ୧ ରେ ୨୬ ଟି ଆକର୍ଷଣୀୟ ଏପିସୋଡ୍ ଅନ୍ତର୍ଭୂକ୍ତ କରିବ, ଏବଂ ପ୍ରତ୍ୟେକରେ ୧୧ ମିନିଟର ଆନିମେଟେଡ୍ କାହାଣୀ ରହିଛି।
ନିମ୍ନଲିଖିତ ୧୨ ଟି ଭାଷାରେ ଏହି ସିରିଜ୍ ପ୍ରସ୍ତୁତ କରାଯାଉଛି:
ହିନ୍ଦୀ (ମାଷ୍ଟର), ତାମିଲ, ତେଲୁଗୁ, କନ୍ନଡ, ମାଲାୟାଲମ୍, ମରାଠୀ, ଗୁଜରାଟୀ, ପଞ୍ଜାବୀ, ବଙ୍ଗାଳୀ, ଆସାମ, ଓଡିଆ ଏବଂ ଇଂରାଜୀ।
ଏହି ସିରିଜକୁ ନିମ୍ନଲିଖିତ ଆନ୍ତର୍ଜାତୀୟ ଭାଷାରେ ମଧ୍ୟ ଡବିଂ କରାଯିବ:
ଫରାସୀ, ସ୍ପାନିଶ୍, ଋଷ, ଆରବୀ, ଚାଇନିଜ୍, ଜାପାନିଜ୍ ଏବଂ କୋରିଆନ୍ ଚ୍ୟାନେଲ୍ ସିଜିନ୍ ପ୍ରସାରଣ ଆରମ୍ଭ ପ୍ରସାରଣ ଶେଷ ଦୂରଦର୍ଶନ ସିଜିନ୍ ୧ ରବିବାର ଅକ୍ଟୋବର ୧୫, ୨୦୨୩ ରବିବାର, ଜାନୁୟାରୀ ୭, ୨୦୨୪ ସିଜିନ୍ ୨ରବିବାର ଜାନୁୟାରୀ ୨୮, ୨୦୨୪ରବିବାର, ଏପ୍ରିଲ ୨୧, ୨୦୨୪
ଓଟିଟି ରେ, ଏହି ସିରିଜ୍ ଏକ ଐତିହାସିକ ଉନ୍ମୋଚନ ହେବ, କାରଣ ପ୍ରଥମ ଥର ପାଇଁ ଦୁଇଟି ବୃହତ ଓଟିଟି ପ୍ଲାଟଫର୍ମ- ନେଟଫ୍ଲିକ୍ସ ଏବଂ ଆମାଜନ ପ୍ରାଇମ ଭିଡିଓରେ ସମାନ୍ତରାଳ ଭାବରେ ଲଞ୍ଚ ହେବ ଏବଂ ଏହା ୧୨ ଟି ଭାରତୀୟ ଏବଂ ୭ ଟି ଆନ୍ତର୍ଜାତୀୟ ଭାଷାରେ ସର୍ବଭାରତୀୟ ସ୍ତରରେ ମୁକ୍ତିଲାଭ କରିବ।
ପ୍ଲାଟଫର୍ମ ସିଜିନ୍ ଶୁଭାରମ୍ଭ ତାରିଖ ଟେରିଟୋରି
ନେଟଫ୍ଲିକ୍ସ
ସିଜିନ୍ ୧ ରବିବାର ଅକ୍ଟୋବର ୧୫, ୨୦୨୩ ବିଶ୍ବବ୍ୟାପୀ
ସିଜିନ୍ ୨ରବିବାର ଜାନୁୟାରୀ ୨୮, ୨୦୨୪
ଆମାଜନ୍ ପ୍ରାଇମ ଭିଡିଓ ସିଜିନ୍ ୧ ରବିବାର ଅକ୍ଟୋବର ୧୫, ୨୦୨୩ ବିଶ୍ବବ୍ୟାପୀ ସିଜିନ୍ ୨ରବିବାର ଜାନୁୟାରୀ ୨୮, ୨୦୨୪