ମୁମ୍ବାଇ: ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦର (CSMIA) ଭାବରେ ଜଣାଶୁଣା ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର ଆଜି ବନ୍ଦ ରହିବ ବୋଲି ସ୍ଥିର ହୋଇଛି। ମୌସୁମୀ ଋତୁ ପରେ ବିମାନବନ୍ଦରର ଦୁଇଟି ରନୱେରେ ରକ୍ଷଣାବେକ୍ଷଣ କାର୍ଯ୍ୟ ପାଇଁ ବିମାନ ବନ୍ଦର ସାମୟିକ ଭାବେ ବନ୍ଦ ରହିବ। CSMIA ର ବିବୃତ୍ତି ଅନୁଯାୟୀ, ଛଅ ଘଣ୍ଟା ପାଇଁ ବିମାନ ଚଳାଚଳ ବନ୍ଦ ହେବାକୁ ଯାଉଛି। ରକ୍ଷଣାବେକ୍ଷଣ କାର୍ଯ୍ୟ ସକାଳ 11 ଟାରୁ 5 ଟା ପର୍ଯ୍ୟନ୍ତ ଚାଲିବ।
ବିମାନ ବନ୍ଦର ମୁଖପାତ୍ର ଏକ ବିବୃତ୍ତି ଜାରି କରି କହିଛନ୍ତି ଯେ, ‘CSMIA ର ମୌସୁମୀ ପରବର୍ତ୍ତୀ ରନୱେ ରକ୍ଷଣାବେକ୍ଷଣ ଯୋଜନାର ଏକ ଅଂଶ ଭାବରେ ଉଭୟ ରନୱେ RWY 09/27 ଏବଂ RWY 14/32 ଅକ୍ଟୋବର 17 ରେ ଅସ୍ଥାୟୀ ଭାବରେ କାର୍ଯ୍ୟକ୍ଷମ ହେବାର କାର୍ଯ୍ୟକ୍ରମ ରହିଛି। ଏହି ନିର୍ଦ୍ଧାରିତ ଅସ୍ଥାୟୀ ବନ୍ଦ ହେଉଛି CSMIA ର ବାର୍ଷିକ ମୌସୁମୀ ପରବର୍ତ୍ତୀ ରକ୍ଷଣାବେକ୍ଷଣ ଯୋଜନାର ଏକ ଅଂଶ। ଏହି ପରିପ୍ରେକ୍ଷୀରେ, ୬ ମାସ ପୂର୍ବରୁ ବିମାନ କର୍ମଚାରୀଙ୍କୁ ମଧ୍ୟ ଏକ ନୋଟିସ (NOTAM) ଜାରି କରାଯାଇଛି।
କାହିଁକି ବିମାନ ଚଳାଚଳ ବନ୍ଦ ହେଲା?:
ବିମାନବନ୍ଦର ଅଧିକାରୀଙ୍କ କହିବାନୁସାରେ, ରନୱେକୁ ମରାମତି ଏବଂ ପରିଚାଳନା କରିବା ପାଇଁ ବିମାନ ବନ୍ଦରକୁ ନିର୍ଦ୍ଧାରିତ ଅସ୍ଥାୟୀ ବନ୍ଦ କରିବାର ଉଦ୍ଦେଶ୍ୟ। ସେ କହିଛନ୍ତି ଯେ କେବଳ ଏହା ମାଧ୍ୟମରେ ବିମାନବନ୍ଦରର ଭିତ୍ତିଭୂମି ସର୍ବୋଚ୍ଚ ମାନର ରକ୍ଷଣାବେକ୍ଷଣ କରାଯାଇପାରିବ। CSMIA କହିଛି ଯେ, ପ୍ରତିବର୍ଷ ମୌସୁମୀ ଋତୁତୁ ପରେ ରନୱେ ରକ୍ଷଣାବେକ୍ଷଣ ପାଇଁ ବନ୍ଦ ହୋଇଯାଏ। ଏହା କାର୍ଯ୍ୟର ଏକ ଅଂଶ ଯାହା ମାଧ୍ୟମରେ କେବଳ ବିମାନ ଚଳାଚଳ ନୁହେଁ ଯାତ୍ରୀଙ୍କ ସୁରକ୍ଷା ମଧ୍ୟ ସୁନିଶ୍ଚିତ କରାଯାଇଥା।
ବିମାନ ବନ୍ଦର କହିଛି ଯେ ଏହା ମଧ୍ୟ ଯାତ୍ରୀମାନଙ୍କ ସହଯୋଗ ଏବଂ ସମର୍ଥନ ଆଶା କରୁଛି। ପ୍ରତିଦିନ ମୁମ୍ବାଇ ବିମାନବନ୍ଦରରୁ ୯୦୦ ବିମାନ ଉଡ଼ାଣ କରନ୍ତି।
ବିମାନ ବନ୍ଦରରେ ଯାତ୍ରୀଙ୍କ ସଂଖ୍ୟାରେ ୩୩ ପ୍ରତିଶତ ବୃଦ୍ଧି:
ମୁମ୍ବାଇ ବିମାନବନ୍ଦର ସୋମବାର କହିଛି ଯେ, ସେପ୍ଟେମ୍ବର ତ୍ରୟମାସରେ ଏହାର ଯାତ୍ରୀ ପରିବହନ 33% ବୃଦ୍ଧି ପାଇଛି ଯାହା ବର୍ତ୍ତମାନ 1.27 କୋଟିରେ ପହଞ୍ଚିଛି। ଯଦି କୋଭିଡ ମହାମାରୀ ପୂର୍ବରୁ 2019 ସେପ୍ଟେମ୍ବର ତ୍ରୟମାସିକ ସହିତ ତୁଳନା କରାଯାଏ, ଯାତ୍ରୀଙ୍କ ସଂଖ୍ୟା 109 ପ୍ରତିଶତ ବୃଦ୍ଧି ପାଇଛି। ଗତ ତ୍ରୟମାସିକରେ ବିମାନବନ୍ଦରରେ 60,861 ଘରୋଇ ବିମାନ ଚଳାଚଳ କରିଥିବାବେଳେ ଆନ୍ତର୍ଜାତୀୟ ବିମାନ ଚଳାଚଳ ସଂଖ୍ୟା 20,438 ରେ ରହିଥିଲା।
