ନୂଆଦିଲ୍ଲୀ: 2023 ବିଶ୍ୱକପ୍ ର 18 ତମ ମ୍ୟାଚ୍ ରେ ପାକିସ୍ତାନକୁ ଅଷ୍ଟ୍ରେଲିଆ 62 ରନରେ ପରାସ୍ତ କରିଛି। ଏହି ବିଜୟ ପରେ ଅଷ୍ଟ୍ରେଲିଆ ପଏଣ୍ଟ ଟେବୁଲରେ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି। ସେପଟେ ପାକିସ୍ତାନ ହାରି ପଏଣ୍ଟ ଟେବୁଲରେ ପଞ୍ଚମ ସ୍ଥାନକୁ ଖସି ଆସିଛି। ଅଷ୍ଟ୍ରେଲିଆ ଟୁର୍ଣ୍ଣାମେଣ୍ଟର ଦ୍ୱିତୀୟ ମ୍ୟାଚ୍ ଜିତିଛି। ପ୍ରଥମ ଦୁଇଟି ମ୍ୟାଚରେ କଙ୍ଗାରୁ ଦଳକୁ ପରାଜୟର ସାମ୍ନା କରିବାକୁ ପଡିଥିଲା। ତେବେ ଏହା ପରେ ଦଳ ପ୍ରତ୍ୟାବର୍ତ୍ତନ କରି ପରବର୍ତ୍ତୀ ଦୁଇଟି ମ୍ୟାଚ୍ ଜିତିଥିଲା। ଏହାପୂର୍ବରୁ ମ୍ୟାଚରେ କଙ୍ଗାରୁ ଦଳ ଶ୍ରୀଲଙ୍କାକୁ ପରାସ୍ତ କରିଥିଲା।
ଏହି ଦଳଗୁଡିକ ଟପ୍ -4 ରେ ଅନ୍ତର୍ଭୁକ୍ତ:
ପଏଣ୍ଟ ଟେବୁଲରେ ନ୍ୟୁଜିଲ୍ୟାଣ୍ଡ ଚାରିଟି ମ୍ୟାଚ୍ ଜିତିବା ପରେ 8 ପଏଣ୍ଟ ଏବଂ ନେଟ୍ ରନ୍ ହାର +1.923 ସହିତ ଶୀର୍ଷ ସ୍ଥାନରେ ରହିଛି। ସମସ୍ତ ଚାରୋଟି ମ୍ୟାଚ୍ ଜିତିବା ପରେ ଟିମ୍ ଇଣ୍ଡିଆ 8 ପଏଣ୍ଟ ଏବଂ ନେଟ୍ ରନ୍ ହାର +1.659 ସହିତ ଦ୍ୱିତୀୟ ସ୍ଥାନରେ ଅଛି। ଏହା ପରେ ଦକ୍ଷିଣ ଆଫ୍ରିକା 4 ପଏଣ୍ଟ ସହ ନେଟ୍ ରନ୍ ହାର +1.385 ଯୋଗୁଁ ତୃତୀୟ ଏବଂ ଅଷ୍ଟ୍ରେଲିଆ 4 ଟି ମ୍ୟାଚରୁ 4 ପଏଣ୍ଟ ସହ ନେଟ୍ ରନ୍ ହାର -0.193 ରେ ଚତୁର୍ଥ ସ୍ଥାନରେ ରହିଛି।
ଅନ୍ୟ ଦଳଗୁଡିକର ସ୍ଥିତି:
4 ଟି ମ୍ୟାଚରୁ 2 ଟି ଜିତି 4 ପଏଣ୍ଟ ସହ -0.456 ହାରରେ ପାକିସ୍ତାନ ଟେବୁଲରେ ପଞ୍ଚମ ସ୍ଥାନରେ ରହିଛି। ଏହା ପରେ ଡିଫେଣ୍ଡିଂ ଚାମ୍ପିଅନ୍ ଇଂଲଣ୍ଡ 3 ଟି ମ୍ୟାଚରେ 2 ପଏଣ୍ଟ ସହ -0.084 ନେଟ୍ ରନ୍ ହାରରେ ଷଷ୍ଠ ସ୍ଥାନ, ବାଂଲାଦେଶ 4 ଟି ମ୍ୟାଚ୍ ରେ 2 ପଏଣ୍ଟ ସହ -0.784 ନେଟ୍ ରନ୍ ହାରରେ ସପ୍ତମ ସ୍ଥାନରେ ରହିଛି। ସେହିଭଳି ନେଦରଲ୍ୟାଣ୍ଡ 4 ଟି ମ୍ୟାଚରେ 2 ପଏଣ୍ଟ ସହ -0.993 ନେଟ୍ ରନ୍ ହାରରେ ଅଷ୍ଟମ, ଆଫଗାନିସ୍ତାନ 4 ଟି ମ୍ୟାଚରେ 2 ପଏଣ୍ଟ ସହ -1.250 ନେଟ୍ ରନ୍ ହାରରେ ନବମ ସ୍ଥାନ ଏବଂ ଶ୍ରୀଲଙ୍କା କୌଣସି ମ୍ୟାଚ୍ ଜିତି ଦଶମ ସ୍ଥାନରେ ରହିଛି। ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ଶ୍ରୀଲଙ୍କା ହେଉଛି ଏକମାତ୍ର ଦଳ ଯିଏକି କୌଣସି ମ୍ୟାଚ୍ ଜିତିପାରିନାହିଁ।