ନୂଆଦିଲ୍ଲୀ: ଜନ୍ମଦିନରେ ବିରାଟ କୋହଲିଙ୍କ ଉଜ୍ଜ୍ୱଳ ଶତକ ଏବଂ ରବିନ୍ଦ୍ର ଜାଡେଜାଙ୍କ ଯାଦୁ ଯୋଗୁଁ ବିଶ୍ୱକପରେ ଭାରତର ଅପରାଜିତ ଅଭିଯାନ ଜାରି ରହିଛି। ଭାରତ ଦକ୍ଷିଣ ଆଫ୍ରିକାକୁ ୨୪୩ ରନରେ ପରାସ୍ତ କରି କ୍ରମାଗତ ଅଷ୍ଟମ ବିଜୟ ହାସଲ କରିଛି। ଆଫ୍ରିକାକୁ ଜିତିବା ପାଇଁ ଭାରତ ୩୨୭ ରନ୍ ର ଲକ୍ଷ୍ୟ ଧାର୍ଯ୍ୟ କରିଥିଲା। କିନ୍ତୁ ଦକ୍ଷିଣ ଆଫ୍ରିକାର ଇନିଂସ ୨୭.୩ ଓଭରରେ ମାତ୍ର ୮୩ ରନରେ ସୀମିତ ରହିଥିଲା। ରବିନ୍ଦ୍ର ଜାଡେଜା ୯ ଓଭରରେ ୩୩ ରନ୍ ଦେଇ ୫ ଟି ୱିକେଟ୍ ନେଇଥିଲେ। ଏହାପୂର୍ବରୁ ଏକ ଶତକୀୟ ପାଳି ଖେଳି ବିରାଟ କୋହଲି ସଚିନ ତେନ୍ଦୁଲକରଙ୍କ ଏକଦିବସୀୟରେ ୪୯ ଶତକର ରେକର୍ଡ ସହ ସମାନ କରିଥିଲେ।
