ନୂଆଦିଲ୍ଲୀ: ଡିସେମ୍ବର ୧୧ ତାରିଖରେ ଅନୁଚ୍ଛେଦ ୩୭୦ ମାମଲା ଉପରେ ସୁପ୍ରିମକୋର୍ଟ ଏହାର ରାୟ ପ୍ରଦାନ କରିବେ। ସେପ୍ଟେମ୍ବର ୫ ତାରିଖରେ, ସମ୍ବିଧାନ ବେଞ୍ଚ ୧୬ ଦିନ ଶୁଣାଣି ପରେ ଏହି ରାୟ ସଂରକ୍ଷଣ କରିଥିଲେ। ଅଗଷ୍ଟ ୫ ତାରିଖ ୨୦୧୯ରେ ଅନୁଚ୍ଛେଦ ୩୭୦ ଅନୁଯାୟୀ ଜମ୍ମୁ କାଶ୍ମୀରକୁ ଦିଆଯାଇଥିବା ସ୍ୱତନ୍ତ୍ର ମାନ୍ୟତା ରଦ୍ଦ କରିଦିଆଯାଇଥିଲା। ଏଥିସହ ଜମ୍ମୁ କାଶ୍ମୀର ଏବଂ ଲଦାଖକୁ ଦୁଇଟି କେନ୍ଦ୍ର ଶାସିତ ଅଞ୍ଚଳରେ ବିଭକ୍ତ କରାଯାଇଥିଲା। ଏହି ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା।
