ଭାରତୀୟ ଜନତା ପାର୍ଟି (ବିଜେପି)ର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ଅଧ୍ୟକ୍ଷତାରେ ଗୁରୁବାର ଦିନ ପ୍ରେଦଶ ପ୍ରମୁଖ ସମେତ ଦଳର ବରିଷ୍ଠ ନେତାଙ୍କର ବୈଠକ ଅନୁଷ୍ଠିତ ହୋଇଯାଙଇଛି । ଏହି ବୈଠକରେ ବିଜେପି ନେତା ଭୁପେନ୍ଦ୍ର ଯାଦବ ମଧ୍ୟ ସାମିଲ୍ ରହିଥିଲେ । ଅମିତ୍ ଶାହାଙ୍କ କ୍ୟାବିନେଟ୍ରେ ସ୍ଥାନ ପାଇବା ପରେ ଭାରତୀୟ ଜନତା ପାର୍ଟିର ଅଧ୍ୟକ୍ଷ ପଦକୁ ନେଇ ଚର୍ଚ୍ଚା ଲାଗି ରହିଛି । ଏହି ପଦ ପାଇଁ ଭୁପେନ୍ଦ୍ର ଯାଦବଙ୍କ ନାମ ସର୍ବାଗ୍ରେ ରହିଛି । ତେବେ ଏହାକୁ ନେଇ ଭୁପେନ୍ଦ୍ର କହିଛନ୍ତି ଯେ,‘ସଦ୍ୟସତା ଅଭିଯାନ ସମାପ୍ତ ହେବା ପରେ ସଂଗଠନର ନିର୍ବାଚନ ଆୟୋଜିତ କରାଯିବ ।’ ଆହୁରି ମଧ୍ୟ ଭୁପେନ୍ଦ୍ର କହିଛନ୍ତି ଯେ, ନୂତନ ସଦସ୍ୟ ଅଭିଯାନ ଆରମ୍ଭ କରାଯାଇଛି, ଏଥିପାଇଁ ଶିବରାଜ ଚୌହ୍ବାନଙ୍କୁ ସଦସ୍ୟତା ଅଭିଯାନର ସଂଯୋଜକ ରୂପେ ନିଯୁକ୍ତି କରାଯାଇଛି । ଶିବରାଜଙ୍କ ସହିତ ଦୁଷ୍ମନ୍ତ ଗୌତମ, ସୁରେଶ ପୂଜାରୀ, ଅରୁଣ ଚତୁର୍ବେଦୀ, ଶୋଭା ସୁରେନ୍ଦ୍ରନ୍ ପ୍ରମୁଖ ସହ ସଂଯୋଜକ ଭୂମିକାରେ ରହିଛନ୍ତି । ୨୦୧୪ ପରେ ବିଜେପିର ସଦସ୍ୟ ସଂଖ୍ୟା ୧୧ କୋଟିରେ ପହଞ୍ଚିଛି ବୋଲି ଭୁପେନ୍ଦ୍ର କହିଛନ୍ତି । ଏହି ବୈଠକରେ ପୂର୍ବ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ତଥା ଶିବରାଜ ସିଂହ ଚୌହ୍ବାନ, ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ରମଣ ସିଂହ, ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ, ମହାସଚିବ କୈଳାସ ବିଜୟବର୍ଗୀୟ, ଭୁବେପନ୍ଦ୍ର ଯାଦବ ଓ ଜେପି ନଡ୍ଡାଙ୍କ ସହିତ ବିଜେପିର ବିଭିନ୍ନ ପ୍ରଦେଶର ପ୍ରମୁଖ ମାନେ ଉପସ୍ଥିତ ରହିଥିଲେ ।
