ବେଗୁନିଆପଡା (ଟୁକୁନା ପ୍ରଧାନ): ଗୁରୁବାର ଦିନ ଓଡିଶାର ରାଜ୍ୟପାଳ ରଘୁବର ଦାସ ଗଞ୍ଜାମ ଜିଲ୍ଲା ଗସ୍ତରେ ଆସିଥିଲେ। ଏହି ସମୟରେ କୋଦଳା ବିଜ୍ଞାପିତ ଅଞ୍ଚଳ ପରିଷଦର ଉପାଧ୍ୟକ୍ଷା ରଞ୍ଜିତା ସେଠୀ ମହାମହିମ ରାଜ୍ୟପାଳଙ୍କୁ ହୁମା ଠାରେ ସାକ୍ଷାତ କରିବା ସହ ଏକ ଲିଖିତ ଦରଖାସ୍ତ ପ୍ରଦାନ କରିଥିଲେ।
ଉକ୍ତ ଦରଖାସ୍ତରେ ସେ କୋଦଳା ସ୍ଵାସ୍ଥ୍ୟକେନ୍ଦ୍ରରେ ଡାକ୍ତର ସମସ୍ୟା ଏବଂ ଅନ୍ୟାନ୍ୟ ଅସୁବିଧା, ମୁକ୍ତା ଯୋଜନାରେ ଅନିୟମିତତା ଏବଂ ପ୍ରଧାନମନ୍ତ୍ରୀ ଆବାସ ଯୋଜନା ପାଇଥିବା ହିତାଧିକାରୀଙ୍କ ବିଲ୍ ହେଉ ନଥିବା, ସ୍ଵର୍ଣ୍ଣମୟୀ ଉଚ୍ଚ ବିଦ୍ୟାଳୟ ଏବଂ ସରକାରୀ ମହିଳା ଉଚ୍ଚ ବିଦ୍ୟାଳୟରେ ଶ୍ରେଣୀଗୃହ ନିର୍ମାଣ ପାଇଁ ଲିଖିତ ପତ୍ର ପ୍ରଦାନ କରିଥିଲେ। ଏ ନେଇ ମହାମହିମ ରାଜ୍ୟପାଳ ଏ ଦିଗରେ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ଅତିରିକ୍ତ ଉପଜିଲ୍ଲାପାଳଙ୍କୁ କହିଥିଲେ।