![](https://thesamikhsya.com/odia/wp-content/uploads/2024/02/delet-206.jpg)
ନୂଆଦିଲ୍ଲୀ: ଉତ୍ତରପ୍ରଦେଶର ୧୦ ଟି ରାଜ୍ୟସଭା ଆସନ ପାଇଁ ନିର୍ବାଚନର ଫଳାଫଳ ପ୍ରକାଶ ପାଇଛି। ଏହି ନିର୍ବାଚନରେ ବିଜେପିର ସମସ୍ତ ଆଠ ଜଣ ପ୍ରାର୍ଥୀ ଜିତିଛନ୍ତି ଏବଂ ସମାଜବାଦୀ ପାର୍ଟିର କେବଳ ଦୁଇଜଣ ପ୍ରାର୍ଥୀ ଜିତିଛନ୍ତି। ଏହି ନିର୍ବାଚନରେ ଏସପି ପ୍ରାର୍ଥୀ ଜୟା ବଚ୍ଚନ ସର୍ବାଧିକ ୪୧ ଭୋଟ୍ ପାଇଛନ୍ତି। ଏହା ସହିତ ଏସପି ର ଦ୍ୱିତୀୟ ପ୍ରାର୍ଥୀ ରାମଜୀ ଲାଲ ସୁମନଙ୍କୁ ୪୦ ଭୋଟ ମିଳିଛି। ତେବେ ଏସପି ର ତୃତୀୟ ପ୍ରାର୍ଥୀ ଆଲୋକ ରଂଜନ ମାତ୍ର ୧୯ ଭୋଟ୍ ପାଇଛନ୍ତି ଏବଂ ଏସପି ବିଧାୟକଙ୍କ କ୍ରସ୍ ଭୋଟ୍ ହେତୁ ବିଜେପି ର ଅଷ୍ଟମ ପ୍ରାର୍ଥୀ ସଞ୍ଜୟ ସେଠ ୨୯ ଭୋଟ୍ ପାଇ ଜିତିଛନ୍ତି।
ରାଜ୍ୟସଭା ନିର୍ବାଚନରେ ସାଂସଦ ଜୟା ବଚ୍ଚନ, ଅବସରପ୍ରାପ୍ତ ଆଇଏଏସ୍ ଅଧିକାରୀ ତଥା ୟୁପିର ପୂର୍ବତନ ମୁଖ୍ୟ ସଚିବ ଆଲୋକ ରଂଜନ ଏବଂ ଦଳିତ ନେତା ରାମଜୀ ଲାଲ ସୁମନଙ୍କୁ ସମାଜବାଦୀ ପାର୍ଟି ପ୍ରାର୍ଥୀ କରିଥିଲା। ସେମାନଙ୍କମଧ୍ୟରୁ ଆଲୋକ ରଂଜନ ପରାସ୍ତ ହୋଇଛନ୍ତି। ସମାଜବାଦୀ ପାର୍ଟି ୭ ଜଣ ବିଧାୟକ କ୍ରସ ଭୋଟିଂ କରି ସମସ୍ତ ବିଜେପି ପ୍ରାର୍ଥୀଙ୍କୁ ବିଜୟ ପ୍ରଦାନ କରିଛନ୍ତି। ଯେଉଁଠାରେ ଜଣେ ବିଏସପି ବିଧାୟକ ବିଜେପି ପାଇଁ ଭୋଟ୍ ଦେଇଛନ୍ତି।
ପ୍ରକାଶ ଯେ, ରାଜ୍ୟସଭା ନିର୍ବାଚନ ପାଇଁ ଉତ୍ତରପ୍ରଦେଶର ୧୦ ଟି ଆସନ ପାଇଁ ମୋଟ ୧୧ ଜଣ ପ୍ରାର୍ଥୀ ଲଢୁଥିଲେ। ସମାଜବାଦୀ ପାର୍ଟି (ଏସପି) ତିନି ଜଣ ପ୍ରାର୍ଥୀ ଦେଇଥିବାବେଳେ ବିଜେପି ପୂର୍ବରୁ ୭ ଜଣ ପ୍ରାର୍ଥୀ ଦେଇଥିଲା। ଏବଂ ପରେ ସଞ୍ଜୟ ସେଠଙ୍କ ରୂପରେ ଅଷ୍ଟମ ପ୍ରାର୍ଥୀ ଦେଇଥିଲା, ଯେଉଁଥିପାଇଁ ନିର୍ବାଚନ ଜରୁରୀ ହୋଇପଡ଼ିଥିଲା।
ରାଜ୍ୟସଭା ନିର୍ବାଚନରେ କିଏ କେତେ ଭୋଟ୍ ପାଇଲା?:
ସୁଧାଂଶୁ ତ୍ରିବେଦୀ (ବିଜେପି) – ୩୮ ଭୋଟ୍
ଆରପିଏନ୍ ସିଂ (ବିଜେପି) – ୩୭
ତେଜବୀର ସିଂ (ବିଜେପି) – ୩୮ ଭୋଟ୍
ନବୀନ ଜୈନ (ବିଜେପି) – ୩୮ ଭୋଟ୍
ସାଧନା ସିଂ (ବିଜେପି) – ୩୮ ଭୋଟ୍
ସଂଗୀତା ବଲୱନ୍ତ (ବିଜେପି) – ୩୮ ଭୋଟ୍
ଅମରପାଲ ମୌର୍ଯ୍ୟ (ବିଜେପି) – ୩୮ ଭୋଟ୍
ରାମଜୀ ଲାଲ (ସମାଜବାଦୀ ପାର୍ଟି) – ୪୦ ଭୋଟ
ଜୟା ବଚ୍ଚନ (ସମାଜବାଦୀ ପାର୍ଟି) – ୪୧
ଆଲୋକ ରଂଜନ (ସମାଜବାଦୀ ପାର୍ଟି) – ୧୯ ଭୋଟ।
ବିଜେପି ପ୍ରାର୍ଥୀଙ୍କ ବିଜୟ ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମସ୍ତ ବିଜେତା ପ୍ରାର୍ଥୀଙ୍କୁ ସମ୍ମାନିତ କରିଛନ୍ତି। ଏହା ସହିତ ସିଏମ ଯୋଗୀ ବିଜେତା ପ୍ରାର୍ଥୀଙ୍କୁ ଅଭିନନ୍ଦନ ଜଣାଇଛନ୍ତି। ସିଏମ ଯୋଗୀଙ୍କ ସହ ଉପ ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ୟୁପି ବିଜେପି ସଭାପତି ଭୁପେନ୍ଦ୍ର ଚୌଧୁରୀ ମଧ୍ୟ ଅଭିନନ୍ଦନ ଜଣାଇଛନ୍ତି।