ଉତ୍ତରପ୍ରଦେଶର ଏକ ମର୍ମନ୍ତୁଦ ସଡକ ଦୁର୍ଘଟଣାରେ 8 ଜଣଙ୍କର ମୃତ୍ୟୁ ଘଟିଥିବା ବେଳେ 11 ଜଣ ଆହତ ହୋଇଛନ୍ତି । ସମ୍ଭଲର ମୋରାଦାବାଦ-ଆଗ୍ରା ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ମଙ୍ଗଳବାର ବିଳମ୍ବିତ ରାତ୍ରିରେ ବାହାଘରରୁ ଫେରୁଥିବା ଏକ ପରିବାର ଏକ ମିନିଟ୍ରକ୍ ସହିତ ଧକ୍କା ହେବାରୁ ଏହି ଅଘଟଣ ଘଟିଛି । ପୋଲିସ୍ ମୁଖ୍ୟ ଯମୁନା ପ୍ରସାଦଙ୍କ ସୂଚନା ଅନୁଯାୟୀ ମୃତକ ସମସ୍ତେ ବିବାହରୁ ଫେରୁଥିବା ଗୋଟିଏ ପରିବାରର ସମସ୍ତଙ୍କ ମୃତ୍ୟୁ ଘଟିଛି । ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ମୃତକଙ୍କୁ ଶବ ବ୍ୟବଚ୍ଛେଦ ପାଇଁ ପଠାଯାଇଛି ।
