ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପାଇଁ ତାରିଖ ଘୋଷଣା ପରେ କଂଗ୍ରେସ ବିଜେପି ଉପରେ ଆକ୍ରମଣକୁ ତୀବ୍ର କରିଛି। କଂଗ୍ରେସ ପାର୍ଟିର ରାଷ୍ଟ୍ରୀୟ ସଭାପତି ମଲ୍ଲିକାର୍ଜୁନ ଖଡଗେ ମୋଦୀ ସରକାରଙ୍କୁ ଟାର୍ଗେଟ କରି କହିଛନ୍ତି ଯେ, ୨୦୨୪ ଲୋକସଭା ନିର୍ବାଚନ ଭାରତ ପାଇଁ ‘ନ୍ୟାୟର ଦ୍ୱାର’ ଖୋଲିବ।
କଂଗ୍ରେସ ସଭାପତି ଖଡଗେ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏହି ପୋଷ୍ଟ ସେୟାର କରିବାବେଳେ କହିଛନ୍ତି ଯେ, ଗଣତନ୍ତ୍ର ଏବଂ ସମ୍ବିଧାନକୁ ଏକଛତ୍ରବାଦୀ ଶାସନରୁ ରକ୍ଷା କରିବାର ଏହା ହେଉଛି ଶେଷ ସୁଯୋଗ। ସେ କହିଛନ୍ତି ଯେ, ଆମେ ‘ଭାରତର ଲୋକ’ ଏକତ୍ର ମିଶି ଘୃଣା, ଲୁଟ୍, ବେକାରୀ, ମୁଦ୍ରାସ୍ଫୀତି ଏବଂ ଅତ୍ୟାଚାର ବିରୋଧରେ ଲଢିବା।