ନୂଆଦିଲ୍ଲୀ: ୨୦୨୪ ଆଇପିଏଲ୍ ର ଅଷ୍ଟମ ମ୍ୟାଚ୍ ରେ ସନରାଇଜର୍ସ ହାଇଦ୍ରାବାଦ ମୁମ୍ବାଇ ଇଣ୍ଡିଆନ୍ସକୁ ୩୧ ରନ୍ ରେ ପରାସ୍ତ କରିଛି। ଏହି ମ୍ୟାଚରେ ହାଇଦ୍ରାବାଦ ପ୍ରଥମେ ବ୍ୟାଟିଂ କରି ୨୦ ଓଭରରେ ୩ ୱିକେଟ୍ ହରାଇ ମୋଟ ୨୭୭7 ରନ୍ କରିଥିଲା। ଏହାର ଜବାବରେ ମୁମ୍ବାଇ ଦଳ ୨୦ ଓଭରରେ ୫ ୱିକେଟ ହରାଇ ୨୪୬ ରନ୍ ରେ ପହଞ୍ଚିପାରିଥିଲା। ତିଲକ ବର୍ମା ମୁମ୍ବାଇ ପାଇଁ ଦୀର୍ଘ ସମୟ ବ୍ୟାଟିଂ କରିଥିଲେ ଏବଂ ୬୪ ରନର ଚମତ୍କାର ଇନିଂସ ଖେଳିଥିଲେ ମଧ୍ୟ ଦଳକୁ ବିଜୟୀ କରି ପାରିନଥିଲେ।
ଏହି ମ୍ୟାଚରେ ମୁମ୍ବାଇ ଟସ୍ ଜିତିଥିଲା ଏବଂ ବୋଲିଂ କରିବାକୁ ନିଷ୍ପତ୍ତି ନେଇଥିଲା, ଯାହା ବୋଧହୁଏ ମ୍ୟାଚ୍ରେ ସେମାନଙ୍କ ପାଇଁ ଏକ ବଡ଼ ଭୁଲ ବୋଲି ପ୍ରମାଣିତ ହୋଇଥିଲା। ପ୍ରଥମେ ବ୍ୟାଟିଂ କରି ହାଇଦ୍ରାବାଦ ଆଇପିଏଲ୍ ଇତିହାସରେ ସର୍ବାଧିକ ମୋଟ ବୋର୍ଡରେ ରଖିଥିଲା, ଯାହା ମୁମ୍ବାଇ ଗୋଡ଼ାଇ ପାରି ନଥିଲା। ଯଦିଓ ମୁମ୍ବାଇର ବ୍ୟାଟ୍ସମ୍ୟାନ୍ ମାନେ ଦଳକୁ ଜିତିବା ପାଇଁ ଶେଷ ପର୍ଯ୍ୟନ୍ତ ଚେଷ୍ଟା ଜାରି ରଖିଥିଲେ, କିନ୍ତୁ ସକ୍ଷମ ହୋଇପାରିନଥିଲେ।