ନୂଆଦିଲ୍ଲୀ: ଲେଗ୍ ସ୍ପିନର ୟୁଜଭେନ୍ଦ୍ର ଚହଲ ଏବଂ ଦ୍ରୁତ ବୋଲର ଟ୍ରେଣ୍ଟ ବୋଲ୍ଟଙ୍କ ଚମତ୍କାର ବୋଲିଂ ପରେ ରିଆନ୍ ପରାଗଙ୍କ ଅପରାଜିତ ଅର୍ଦ୍ଧଶତକ ଯୋଗୁଁ ସୋମବାର ଦିନ ଇଣ୍ଡିଆନ ପ୍ରିମିୟର ଲିଗରେ ରାଜସ୍ଥାନ ମୁମ୍ବାଇ ଇଣ୍ଡିଆନ୍ସକୁ ୬ ୱିକେଟ୍ ରେ ପରାସ୍ତ କରିଛି। ରାଜସ୍ଥାନ ରୟାଲ୍ସ କ୍ରମାଗତ ତୃତୀୟ ବିଜୟ ପଞ୍ଜିକରଣ କରିଥିବା ବେଳେ ମୁମ୍ବାଇର ଏହା ହ୍ୟାଟ୍ରିକ୍ ପରାଜୟ। ମୁମ୍ବାଇର ମାତ୍ର ୧୨୬ ରନ୍ର ଟାର୍ଗେଟକୁ ରାଜସ୍ଥାନ ସହଜରେ ପୂରଣ କରିନେଇଥିଲା। ପରାଗଙ୍କ ଅର୍ଦ୍ଧଶତକୀୟ ପାଳି ଯୋଗୁଁ ରାଜସ୍ଥାନ ୧୫.୩ ଓଭରରେ ଚାରି ୱିକେଟ୍ ହରାଇ ସହଜରେ ୧୨୬ ରନ୍ ସ୍କୋର କରି ବିଜୟ ହାସଲ କରିଥିଲା। ଆକାଶ ମାଧୱାଲ ୨୦ ରନ୍ ଦେଇ ତିନୋଟି ୱିକେଟ୍ ନେଇଥିଲେ କିନ୍ତୁ ମୁମ୍ବାଇକୁ ପରାଜୟରୁ ରକ୍ଷା କରିପାରି ନଥିଲେ।
ଏହାପୂର୍ବରୁ ଚହଲ (୧୧ ରନ୍ ଦେଇ ତିନୋଟି ୱିକେଟ୍) ଏବଂ ବୋଲ୍ଟ (୨୨ ରନ୍ ଦେଇ ତିନୋଟି ୱିକେଟ୍) ର ଚମତ୍କାର ବୋଲିଂ ସାମ୍ନାରେ ମୁମ୍ବାଇ ଦଳ ନଅ ୱିକେଟ୍ ହରାଇ ୧୨୫ ରନ୍ ସ୍କୋର କରିପାରିପାରିଥିଲା।
