ଅନୁଗୁଳ କଣିଆ ବ୍ଲକ ଅନ୍ତର୍ଗତ ସୁଲେକାଇ ଗ୍ରାମରେ ହାତୀ ଆତଙ୍କ ଦେଖାଦେଇଛି । ହାତୀମାନେ ଆଜି ସକାଳେ 2 ଜଣ ବ୍ୟକ୍ତିଙ୍କୁ କଚାଡି ମାରିଛନ୍ତି । ସୂଚନାନୁସାରେ, ଆଜି ସକାଳେ ଦୁଇଜଣ ଯୁବକ ବିଲକୁ ଯାଇଥିଲେ । ସେହିସମୟରେ ଏକ ହାତୀପଲ ବିଲରେ ପଶି ଫସଲ ନଷ୍ଟ କରୁଥିଲେ । ଏହାଦେଖି ସେମାନେ ହାତୀଙ୍କୁ ଘଉଡାଇବାକୁ ଚେଷ୍ଟା କରୁଥିଲେ । ତେବେ ହାତୀମାନେ ଯୁବକ ଦ୍ୱୟଙ୍କୁ ଆକ୍ରମଣ କରି ମାରିପକାଇଥିଲେ । ଯୁବକଙ୍କ ମୃତ୍ୟୁ ପରେ ସ୍ଥାନୀୟ ଅଂଚଳରେ ଉତ୍ତେଜନା ପ୍ରକାଶ ପାଇଛି । ବନ ବିଭାଗର କାର୍ଯ୍ୟଦକ୍ଷତାକୁ ନେଇ ଅଂଚଳବାସୀ ପ୍ରଶ୍ନ ଉଠାଇଛନ୍ତି । ବାରମ୍ବାର ହାତୀ ଆକ୍ରମଣରେ ଧନଜୀବନ ହାନୀ ହେଉଥିଲେ ମଧ୍ୟ ବନ ବିଭାଗ ଚୁପ ହେଇ ବସି ରହିଛି ବୋଲି ଅଂଚଳବାସୀ ଅଭିଯୋଗ କରିଛନ୍ତି ।
