ବିଗ୍ ବି ଅମିତାଭ ବଚ୍ଚନ ଅପ୍କମିଙ୍ଗ୍ ଫିଲ୍ମ ‘ଗୁଲାବୋ ସିତାବୋ’ର ଶୁଟିଂରେ ବ୍ୟସ୍ତ ଅଛନ୍ତି। ଇତି ମଧ୍ୟରେ ଏହି ଫିଲ୍ମର ଫାଷ୍ଟ ଲୁକ୍ ଜାରି ହୋଇଛି । ଏଥିରେ ଅମିତାଭ ବଚ୍ଚନ ଜଣେ ବୁଢା ଲୋକ ଭୂମିକାରେ ନଜର ଆସିଛନ୍ତି । ଏଥିରେ ତାଙ୍କୁ ଚିହ୍ନିବା କଷ୍ଟକର ହୋଇପଡ଼ୁଛି। ସେ ମୋଟା ଚଷମା ପିନ୍ଧିବା ସାଙ୍ଗକୁ ଲମ୍ବା ଦାଢ଼ି ରଖିଛନ୍ତି। ତାଙ୍କ ନାକ ମୋଟା ହୋଇଥିବା ବେଳେ ମୁଣ୍ଡରେ ଏକ ଗାମୁଛା ମଧ୍ୟ ଗୁଡ଼ାଇଛନ୍ତି। ବିଗ୍ ବିଙ୍କ ଏହି ଲୁକ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଫିଲ୍ମର ନିର୍ଦ୍ଦେଶନା ଭାର ସୁଜିତ୍ ସିରକାର୍ ଗ୍ରହଣ କରିଥିବାବେଳେ ଏହାର କାହାଣୀ ଲେଖିଛନ୍ତି ଜୁହୀ ଚର୍ତୁବେଦୀ । ‘ପିଙ୍କ୍’ ପରେ ଅମିତାଭ ଓ ସୁଜିତ୍ଙ୍କ ଏହା ଦ୍ବିତୀୟ ଫିଲ୍ମ । ଏହି ଫିଲ୍ମରେ ଅମିତାଭଙ୍କ ସହ ପ୍ରଥମଥର ପାଇଁ ଅଭିନେତା ଆୟୁଷ୍ମାନ ଖୁରାନା ନଜର ଆସିବେ । ଫିଲ୍ମଟି ୨୦୨୦ ମସିହା ଏପ୍ରିଲ୍ ୨୪ ତାରିଖରେ ପରଦା ଉପରକୁ ଆସିବ ।
Gulabo Sitabo: Amitabh Bachchan's first look