ମୁମ୍ବାଇ: ସଲମାନ ଖାନଙ୍କ ଘର ବାହାରେ ଗୁଳି ବିନିମୟ ଘଟଣା ଆଜି ସକାଳେ ସାମ୍ନାକୁ ଆସିଛି। ପୋଲିସ ମଧ୍ୟ ଏ ସମ୍ପର୍କରେ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ସଲମାନ ଖାନଙ୍କ ପ୍ରତି ବିପଦକୁ ଦୃଷ୍ଟିରେ ରଖି ତାଙ୍କ ସୁରକ୍ଷା ବୃଦ୍ଧି କରାଯାଇଛି। ଏଭଳି ପରିସ୍ଥିତିରେ ପୁଣି ଥରେ ପ୍ରଶ୍ନ ଉଠିଛି ଯେ ସଲମାନ ଖାନଙ୍କ ପାଇଁ କିଏ ଅଧିକ ବିପଦ? ପ୍ରକାଶ ଯେ, ସଲମାନ ଖାନଙ୍କୁ ବିଷ୍ନୋଇ ଗ୍ୟାଙ୍ଗ ବହୁତ ବିପଦ। ଲରେନ୍ସ ବିଷ୍ନୋଇ ଏବଂ ଭାରତ-କାନାଡାର ୱାଣ୍ଟେଡ ଗ୍ୟାଙ୍ଗଷ୍ଟର ଗୋଲ୍ଡି ବରାର ସଲମାନ ଖାନଙ୍କୁ ଅନେକ ଥର ହତ୍ୟା କରିବାକୁ ଧମକ ଦେଇଛନ୍ତି।
ସଲମାନଙ୍କୁ ହତ୍ୟା କରିବା ପାଇଁ ବିଷ୍ନୋଇ ଏବଂ ଗୋଲଡି ଅନେକ ଥର ମୁମ୍ବାଇ ପଠାଇଛନ୍ତି। ଲରେନ୍ସଙ୍କର ଏକ ସ୍ୱତନ୍ତ୍ର ଗ୍ୟାଙ୍ଗଷ୍ଟର ସମ୍ପତ ନେହେରା ମଧ୍ୟ ୨୦୧୮ରେ ସଲମାନ ଖାନଙ୍କ ଗାଲାକ୍ସି ଆପାର୍ଟମେଣ୍ଟରେ ନଜର ରଖିଥିଲା। ତେବେ ଆକ୍ରମଣ କରିବା ପୂର୍ବରୁ ହରିୟାଣା ପୋଲିସ ନେହେରାଙ୍କୁ ଗିରଫ କରିଥିଲା। ଜେରା ବେଳେ ସେ ସଲମାନଙ୍କ ଉପରେ ହୋଇଥିବା ଆକ୍ରମଣର ସମ୍ପୂର୍ଣ୍ଣ ବିବରଣୀ ମଧ୍ୟ ପ୍ରକାଶ କରିଥିଲେ।
ମୁମ୍ବାଇ ପୋଲିସ, ଦିଲ୍ଲୀ ପୋଲିସ ସମେତ ପ୍ରାୟ ସମସ୍ତ ଅନୁସନ୍ଧାନକାରୀ ସଂସ୍ଥା ଜାଣନ୍ତି ଯେ, ସଲମାନ ଖାନଙ୍କୁ ବିଷ୍ନୋଇ ଗ୍ୟାଙ୍ଗରୁ ବିପଦ ଅଛି। ଲରେନ୍ସ ବିଷ୍ନୋଇ ଥରେ ଫିଲ୍ମ ‘ରେଡ଼ି’ ସୁଟିଂ ସମୟରେ ସଲମାନଙ୍କୁ ତାଙ୍କ ଗୁଣ୍ଡ ମାଧ୍ୟମରେ ଆକ୍ରମଣ କରିବାକୁ ଯୋଜନା କରିଥିଲେ, କିନ୍ତୁ ଅସ୍ତ୍ରଶସ୍ତ୍ର ନ ଥିବାରୁ ଏହି ଯୋଜନା ବିଫଳ ହୋଇଥିଲା। ବିଷ୍ନୋଇ ତାଙ୍କ ବିଶେଷ ଏଜେଣ୍ଟ ନରେଶ ଶେଟ୍ଟୀଙ୍କୁ ସଲମାନ ଖାନଙ୍କ ଉପରେ ଆକ୍ରମଣ କରିବାର ଦାୟିତ୍ୱ ଦେଇଥିଲେ। ଗ୍ୟାଙ୍ଗଷ୍ଟର ନରେଶ ଶେଟ୍ଟୀ, ଜାନୁଆରୀ ୨୦୨୦ ମାସରେ ମୁମ୍ବାଇରେ ଏକ ମାସ ରହିଥିଲା ଏବଂ ସଲମାନ ଖାନଙ୍କ ଘରକୁ ଅନେକ ଥର ନଜର ରଖିଥିଲା। କିନ୍ତୁ ସେ ତାଙ୍କ ଯୋଜନାରେ ସଫଳ ହୋଇପାରିଲା ନାହିଁ।
