ନୂଆଦିଲ୍ଲୀ: ଲୋକସଭା ନିର୍ବାଚନ ସମୟରେ ଝାଂଶୀ ଲୋକସଭା ନିର୍ବାଚନମଣ୍ଡଳୀରୁ ନିଜ ପ୍ରାର୍ଥୀକୁ ବହୁଜନ ସମାଜ ପାର୍ଟି ବିଦା କରିଛି। ଝାଂଶୀରୁ ପ୍ରାର୍ଥୀ ହୋଇଥିବା ରାକେଶ କୁଶୱାଙ୍କୁ ବିଏସପିରୁ ବହିଷ୍କାର କରାଯାଇଛି। ଚଳିତ ଲୋକସଭା ନିର୍ବାଚନରେ ଏହା ହେଉଛି ପ୍ରଥମ ଘଟଣା, ଯେଉଁଠାରେ ଦଳ ନିଜେ ପ୍ରାର୍ଥୀଙ୍କୁ ବହିଷ୍କାର କରିଛି। ଝାଂଶୀରେ ଏପ୍ରିଲ ୨୬ ତାରିଖରୁ ନାମାଙ୍କନପତ୍ର ଆରମ୍ଭ ହେବ ଏବଂ ମଇ ୨୦ ତାରିଖରେ ଭୋଟ୍ ଗ୍ରହଣ କରାଯିବ।
ଦଳ ବିରୋଧୀ କାର୍ଯ୍ୟକଳାପରେ ରାକେଶ କୁଶୱାହା ସମ୍ପୃକ୍ତ ଥିବା ବିଏସପି ଅଭିଯୋଗ କରିଛି। ବିଏସପି ଝାଂଶୀ ଜିଲ୍ଲା ସଭାପତିଙ୍କୁ ମଧ୍ୟ ହଟାଇ ଦେଇଛି। ଜୟପାଲ ଅହିରୱାରଙ୍କୁ ହଟାଇ ଦଳ ବି.କେ ଗୌତମଙ୍କୁ ନୂତନ ଜିଲ୍ଲା ସଭାପତି କରିଛି।