ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ସହ ଜଡିତ ସିବିଆଇ ମାମଲାରେ ବର୍ତ୍ତମାନ ଚାର୍ଜସିଟ୍ ନକରିବାକୁ ଦାବି କରି ରାଉସ୍ ଆଭେନ୍ୟୁ କୋର୍ଟ କେନ୍ଦ୍ରୀୟ ତଦନ୍ତ ଏଜେନ୍ସିରୁ ପ୍ରତିକ୍ରିୟା ଲୋଡିଛନ୍ତି। ଏହି ମାମଲାରେ ମନୀଷ ସିସୋଦିଆଙ୍କ ନ୍ୟାୟିକ ହେପାଜତକୁ ଆସନ୍ତା ୭ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି।
ଶୁଣାଣି ସମୟରେ ଅଭିଯୁକ୍ତଙ୍କ ଓକିଲ ବିଚାରପତିଙ୍କୁ କହିଥିଲେ ଯେ, ଆମେ କୋର୍ଟ ରୁମରୁ ବାହାରକୁ ଯିବା ଉଚିତ୍ ନୁହେଁ। ଏଥିପାଇଁ ଆମେ ମଧ୍ୟ କ୍ଷମା ପ୍ରାର୍ଥନା କରୁଛୁ। ଅସନ୍ତୋଷ ବ୍ୟକ୍ତ କରି ବିଚାରପତି କହିଛନ୍ତି ଯେ, ଆମେ ପ୍ରଥମ ଥର ପାଇଁ ଏଭଳି ଆଚରଣ ଦେଖିଛୁ। ଆପଣଙ୍କର ଯୁକ୍ତି ସମାପ୍ତ ହେବା ମାତ୍ରେ ଆପଣ କୋର୍ଟରୁ ବାହାରକୁ ଚାଲିଗଲେ।
ଦିଲ୍ଲୀ ଅବକାରୀ ନୀତି ସହ ଜଡିତ ସିବିଆଇ ମାମଲାର ପରବର୍ତ୍ତୀ ଶୁଣାଣି ମେ ୭ ରେ ଅନୁଷ୍ଠିତ ହେବ। ବାସ୍ତବରେ, ଆମ୍ ଆଦମୀ ପାର୍ଥୀ (AAP) ନେତା ମନୀଷ ସିସୋଦିଆ ଆଜି ତିହାର ଜେଲରୁ ଭିଡିଓ କନଫରେନ୍ସିଂ ମାଧ୍ୟମରେ ରାଉସ୍ ଆଭେନ୍ୟୁ କୋର୍ଟରେ ହାଜର ହୋଇଥିଲେ।
