ନୂଆଦିଲ୍ଲୀ: ହରିୟାଣାରେ ଏକ ଅଜବ ମାମଲା ସାମ୍ନାକୁ ଆସିଛି। କୁକୁରର ମୃତ୍ୟୁରେ ଆଘାତ ପାଇ ଜଣେ ୧୨ ବର୍ଷର ବାଳିକା ଆତ୍ମହତ୍ୟା କରିଛି। ଏହି ଘଟଣାର ଅନୁସନ୍ଧାନ କରୁଥିବା ପୋଲିସ ଅଧିକାରୀ କହିଛନ୍ତି ଯେ, “ଜଣେ ୧୨ ବର୍ଷର ଝିଅ ଫାଶୀ ଲଗାଇ ଆତ୍ମହତ୍ୟା କରିଛି। କାରଣ କିଛି ଦିନ ପୂର୍ବରୁ ତାଙ୍କ ପୋଷା କୁକୁରର ମୃତ୍ୟୁ ଘଟିଥିଲା। ପୋଲିସ କହିଛି ଯେ, କୁକୁରର ମୃତ୍ୟୁକୁ ନେଇ ସେ ଚିନ୍ତିତ ଥିଲେ।” ସେବେଠାରୁ ଅତ୍ୟଧିକ ଚାପରେ ରହିଥିଲେ।
ସୂଚନାନୁସାରେ, ଝିଅଟି ଗତ ୩ ମାସ ଧରି କୁକୁର ଛୁଆ ପାଳୁଥିଲା। ତେବେ କୌଣସି କାରଣରୁ କୁକୁରଟିର ମୃତ୍ୟୁ ହୋଇଥିଲା। ସେ କୁକୁର ଛୁଆର ମୃତ୍ୟୁ ପରେ ଉଦାସୀନତା ଭିତରକୁ ଯାଇଥିଲେ। ଏପରିକି ସେ ଖାଦ୍ୟ ଖାଇବାକୁ ମନା କରିଦେଇଥିଲେ। ଝିଅକୁ ମନାଇବା ପାଇଁ ପରିବାର ପକ୍ଷରୁ ନିରନ୍ତର ଉଦ୍ୟମ କରାଯାଉଥିଲା। କିନ୍ତୁ ଶେଷରେ ସେ ଆତ୍ମହତ୍ୟା କରିଥିଲେ।
ଶନିବାର ସନ୍ଧ୍ୟାରେ ଝିଅର ମା’ ଏବଂ ଭଉଣୀ କିଛି ଜିନିଷ କିଣିବାକୁ ବଜାରକୁ ଯାଇଥିଲେ। ଏହି ସମୟ ମଧ୍ୟରେ ସେ ଉଦାସୀନତା ହେତୁ ଆତ୍ମହତ୍ୟା କରିଥିଲେ। ଝିଅଟିର ମା’ କହିଥିଲେ ଯେ ସେ ନିଜ କୁକୁରକୁ ବହୁତ ଭଲ ପାଉଥିଲା। ଯେତେବେଳେ ମୁଁ ପନିପରିବା କିଣିବାକୁ ଯାଇଥିଲି, ପଡ଼ୋଶୀମାନେ ଫୋନ୍ କରି ମୋତେ ଶୀଘ୍ର ଘରକୁ ଆସିବାକୁ କହିଥିଲେ।
