ଭାରତ ଏବଂ ଆଫଗାନିସ୍ତାନ ମଧ୍ୟରେ ଚଳିତ ବିଶ୍ବକପ୍ର 28 ତମ ମ୍ୟାଚ୍ ଖେଳାଯାଇଛି । ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ବିରାଟ କୋହଲିଙ୍କ ଭାରତୀୟ ଦଳ ନିର୍ଦ୍ଧାରିତ ଓଭରରେ 8 ଓ୍ବିକେଟ୍ ହରାଇ 224 ରନ୍ ସଂଗ୍ରହ କରିଛି । ଭାରତ ପକ୍ଷରୁ ଅଧିନାୟକ ବିରାଟ କୋହଲି ସର୍ବାଧିକ 67 ରନ୍ ସଂଗ୍ରହ କରିଥିଲେ । ପିଚ୍ରେ ବଲ୍ ତଳୁଆ ଏବଂ ଅସମାନ ବାଉନ୍ସ ରହିଥିବାରୁ ବ୍ୟାଟିଂ ସହଜ ନଥିଲା । ଅନ୍ୟମାନଙ୍କ ମଧ୍ୟରେ କେଦାର ଜାଦବ 52 ରନ୍ ସଂଗ୍ରହ କରିଥିଲେ । କୋହଲି 63 ବଲ୍ରୁ 5 ଚୌକା ଜରିଆରେ 67 ରନ୍ ସଂଗ୍ରହ କରିଥିବା ବେଳେ ଜାଦବ 68ଟି ବଲ୍ରୁ 3 ଚୌକା ଏବଂ 1 ଛକ୍କା ଜରିଆରେ 52 ରନ୍ ସଂଗ୍ରହ କରିଥିଲେ । ଗତ ମ୍ୟାଚ୍ର ମ୍ୟାନ୍ ଅଫ୍ ଦ ମ୍ୟାଚ୍ ରୋହିତ ଶର୍ମା ମାତ୍ର 1 ରନ୍ କରି ଆଉଟ୍ ହୋଇଥିଲେ । ଅନ୍ୟମାନଙ୍କ ମଧ୍ୟରେ ଲୋକେଶ ରାହୁଲ(30), ବିଜୟ ଶଙ୍କର(29) ଏବଂ ମହେନ୍ଦ୍ର ସିଂ ଧୋନୀ ପ୍ରମୁଖ ଭଲ ଆରମ୍ଭ ପାଇଥିଲେ ମଧ୍ୟ ଏହାକୁ ବଡ ସ୍କୋରରେ ରୂପାନ୍ତରିତ କରିବାରେ ବିଫଳ ହୋଇଥିଲେ । ଆଫଗାନ୍ ବୋଲରଙ୍କ ମଧ୍ୟରେ ମହମ୍ମଦ ନବି ଏବଂ ଗୁଲବାଦିନ ନାଇବ 2ଟି ଲେଖାଏଁ ଓ୍ବିକେଟ ଅକ୍ତିଆର କରିଥିଲେ । ମୁଜିବ୍ ଉର୍ ରେହମାନ ନିଜ କୋଟାରେ ମିତବ୍ୟୟୀ ବୋଲିଂ କରି ମାତ୍ର 26 ରନ୍ ପ୍ରଦାନ କରି ରୋହିତ ଶର୍ମାଙ୍କ ଓ୍ବିକେଟ ହାସଲ କରିଥିଲେ ।
afghanistan need 225 to win