ଲୋକସଭାରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ୍ କରିଛନ୍ତି କଂଗ୍ରେସ ନେତା ଅଧୀରରଂଜନ ଚୌଧୁରୀ । ଅଧୀରଙ୍କ ମୋଦିଙ୍କୁ ନେଇ ଟିପ୍ପଣୀ ପରେ ତର୍କ ବିତର୍କ ଆରମ୍ଭ ହୋଇଯାଇଛି । କଂଗ୍ରେସ ସଂସଦୀୟ ଦଳର ନେତା ଅଧୀର ରଞ୍ଜନ ଚୌଧୁରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପରୋକ୍ଷରେ ଗନ୍ଦି ନାଲି ବା ଅଳିଆ ଆବର୍ଜନା ଥିବା ନାଳ ସହ ତୁଳନା କରିଛନ୍ତି। ଏଥିସହ ଶ୍ରୀ ଚୌଧୁରୀ ଓଡ଼ିଶା ସାଂସଦ ତଥା କେନ୍ଦ୍ର ରାଷ୍ଟ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କୁ ମଧ୍ୟ ତୀବ୍ର ସମାଲୋଚନା କରିଛନ୍ତି। ଆଜି ପ୍ରତାପ ଷଡ଼ଙ୍ଗୀ ମୋସନ ଅଫ ଥାଙ୍କସ ଲୋକସଭାରେ ଉପସ୍ଥାପନ କରି କଂଗ୍ରେସକୁ ତୀବ୍ର ସମାଲୋଚନା କରିଥିବାବେଳେ ମୋଦିଙ୍କୁ ଢେର୍ ପ୍ରଶଂସା କରିଥିଲେ। ଏହାର ଜବାବ ରଖିଥଲେ ଅଧୀର ରଂଜନ । ଇନ୍ଦିରାଙ୍କୁ ଗଙ୍ଗା ମାତାଙ୍କ ସହ ତୁଳନା କରିଥିବାବେଳେ ମୋଦିଙ୍କୁ ଗନ୍ଦି ନାଲି ବା ଅଳିଆରେ ପରିପୂର୍ଣ୍ଣ ନାଳକୁ ସହ ତୁଳନା କରିଥିଲେ । ଏହା ପରେ ବିଜେପି ତରଫରୁ ବିରୋଧ କରାଯାଇଥିଲା । ପ୍ରଧାନମନ୍ତ୍ରୀଙ୍କୁ ଏପରି ଅପମାନଜନକ ଆକ୍ଷେପ କରି ବିବାଦୀୟ ହେବା ପରେ କ୍ଷମା ମାଗିଛନ୍ତି ଅଧୀରରଂଜନ ।
