ଅଗଷ୍ଟା ଓ୍ବେଷ୍ଟଲ୍ୟାଣ୍ଡ ମାମଲାରେ ଦିଲ୍ଲୀ ହାଇକୋର୍ଟଙ୍କ ନିଷ୍ପତ୍ତି ଉପରେ ସୁପ୍ରିମ୍କୋର୍ଟ ରୋକ୍ ଲଗାଇଛନ୍ତି। ମାମଲାର ସାକ୍ଷୀ ରାଜୀବ ସକ୍ସେନାଙ୍କ ବିଦେଶରେ ଚିକିତ୍ସା ଅନୁମତିକୁ ଖାରଜ କରିଛନ୍ତି ସୁପ୍ରିମ୍କୋର୍ଟ। ଜଷ୍ଟିସ୍ ସଞ୍ଜୀବ ଖାନ୍ନା ଏବଂ ବି ଆର୍ ଗଭାଇଙ୍କ ନେତୃତ୍ବରେ ଗଠିତ ଖଣ୍ଡପୀଠ ହାଇକୋର୍ଟଙ୍କ ନିଷ୍ପତ୍ତିକୁ ଖାରଜ କରିଛନ୍ତି। ରକ୍ତ କର୍କଟରେ ପୀଡିତ ଥିବାରୁ ବିଦେଶରେ ଚିକିତ୍ସାର ଆବେଦନ କରିଥିବା ସକ୍ସେନାଙ୍କ ସ୍ବାସ୍ଥ୍ୟ ପରୀକ୍ଷା ପାଇଁ ଅଖିଲ ଭାରତୀୟ ଆୟୁର୍ବିଜ୍ଞାନ ସଂସ୍ଥାନର ଏକ ଦଳକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ। ସଲିସିଟର ଜେନେରାଲ୍ ତୁଷାର ମେହେଟ୍ଟାଙ୍କ ନୂତନ ଅଭିଯୋଗ ଅନୁଯାୟୀ ସକ୍ସେନାଙ୍କ ବିରୋଧରେ ନୂତନ ଅର୍ଥ ହେରଫେରର ଅଭିଯୋଗ ଆସିଛି। ଏହି ନୂତନ ମାମଲାର ବିଚାର ଶେଷ ନହେବା ପର୍ଯ୍ୟନ୍ତ ସକ୍ସେନାଙ୍କୁ ବିଦେଶରେ ଚିକିତ୍ସାର ଅନୁମତି ପ୍ରଦାନ କରାଯିବ ନାହିଁ ବୋଲି ଖଣ୍ଡପୀଠଙ୍କ ପକ୍ଷରୁ ଘୋଷଣା କରାଯାଇଛି।
Tags:
