ନୂଆଦିଲ୍ଲୀ: ଦିବଙ୍ଗତ ବିଜେପି ନେତା ସୁଷମା ସ୍ୱରାଜଙ୍କ ଝିଅ ବାଂଶୁରୀ ସ୍ୱରାଜ ଆଜି ଲୋକସଭା ସଦସ୍ୟତା ଗ୍ରହଣ କରିଛନ୍ତି। ସେ ୧୮ ତମ ଲୋକସଭାର ପ୍ରଥମ ଅଧିବେଶନରେ ସଂସ୍କୃତରେ ଶପଥ ନେଇଛନ୍ତି। ଏହାପୂର୍ବରୁ ବାଂଶୁରୀ ସ୍ୱରାଜ ମାତା ସୁଷମା ସ୍ୱରାଜଙ୍କୁ ମନେ ପକାଇ ତାଙ୍କ ନାମରେ ଏକ ବୃକ୍ଷ ରୋପଣ କରିଥିଲେ।
ବାଂଶୁରୀ ସ୍ୱରାଜ ନୂଆଦିଲ୍ଲୀ ଲୋକସଭା ଆସନରୁ ୪ ଲକ୍ଷ ୫୩ ହଜାର ୧୮୫ ଭୋଟ୍ ପାଇଛନ୍ତି। ସେ ଆମ୍ ଆଦମୀ ପାର୍ଟିର ତିନିଥର ବିଧାୟକ ସୋମନାଥ ଭାରତୀଙ୍କୁ ୭୮ ହଜାର ୩୭୦ ଭୋଟରେ ପରାସ୍ତ କରିଛନ୍ତି।
ପ୍ରକାଶ ଯେ, ୧୬ ତମ ଲୋକସଭାରେ ସୁଷମା ସ୍ୱରାଜ ସଂସ୍କୃତରେ ମଧ୍ୟ ଶପଥ ନେଇଥିଲେ। ତିନିଥର ବିଧାୟକ ସ୍ୱରାଜ ପ୍ରଥମ ଥର ପାଇଁ ସାଂସଦ ଭାବେ ନିର୍ବାଚିତ ହୋଇଛନ୍ତି।
https://x.com/BansuriSwaraj/status/1805202279009820704?ref_src=twsrc%5Etfw%7Ctwcamp%5Etweetembed%7Ctwterm%5E1805202279009820704%7Ctwgr%5E06d6ad85db9e93ac69baecf30c7fd8fd5cbb6dc4%7Ctwcon%5Es1_&ref_url=https%3A%2F%2Fwww.abplive.com%2Fstates%2Fdelhi-ncr%2Fbansuri-swaraj-takes-oath-in-sanskrit-as-a-member-of-parliament-2722401
ତିନିଥର ବିଧାୟକ ସ୍ୱରାଜ ନିର୍ବାଚନମଣ୍ଡଳୀରୁ ନିର୍ବାଚନ ଲଢିବାର ସୁଯୋଗ ପାଇଥିଲେ ଯେଉଁଠାରୁ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ଲାଲ କୃଷ୍ଣ ଆଡଭାନୀଙ୍କ ସମେତ ବହୁ ବିଶିଷ୍ଟ ନେତା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ।
ଦିଲ୍ଲୀରେ ସମୁଦାୟ ୭ ଟି ସଂସଦ ନିର୍ବାଚନମଣ୍ଡଳୀ ଅଛି। ଲଗାତାର ତୃତୀୟ ଥର ପାଇଁ ବିଜେପି ସମସ୍ତ ସାତୋଟି ଆସନ ଜିତିଛି। ଏଠାରେ କଂଗ୍ରେସ ଆମ୍ ଆଦମୀ ପାର୍ଟି ସହିତ ଏକ ମେଣ୍ଟ ଗଠନ କରିଥିଲା। AAP ଚାରିଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବା ବେଳେ କଂଗ୍ରେସ ତିନିଟି ଆସନରେ ନିର୍ବାଚନ ଲଢୁଥିଲା।