ଆଇସିସି କ୍ରିକେଟ ବିଶ୍ୱକପ୍ର ୩୪ ତମ ମ୍ୟାଚ ଆଜି ମାଞ୍ଚେଷ୍ଟରର ଓଲ୍ଡ ଟ୍ରାଫୋର୍ଡରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଖେଳାଯିବ। ବିଶ୍ୱକପରେ ଭାରତ-ୱେଷ୍ଟଇଣ୍ଡିଜ ମୁକାବିଲା ସର୍ବଦା ଅଭୁଲା ହୋଇ ରହିଆସିଛି। ଏକମାତ୍ର ଟିମ୍ ଭାବରେ ଭାରତ ବର୍ତ୍ତମାନ ସୁଦ୍ଧା ତାର ସମସ୍ତ ମ୍ୟାଚ ଜିତିବା ସହିତ ଦମଦାର ଫର୍ମରେ ରହିଛି, କିନ୍ତୁ ୱେଷ୍ଟଇଣ୍ଡିଜ୍ ମଧ୍ୟ ମ୍ୟାଚ୍ ପାଲଟେଇବାର କ୍ଷମତା ରଖିଛି। ଭାରତ ଏହି ମ୍ୟାଚ୍ରେ ବିଜୟୀ ହୋଇ ନିଜର ଅପରାଜେୟ ଧାରା ବଳବତ୍ତର ରଖିବାକୁ ଚାହିଁବ। ଏହି ମ୍ୟାଚ ଏମିତିରେ ବେଷ୍ଟଇଣ୍ଡିଜକୁ ହାଲୁକାରେ ନେଲେ ଭାରତ ପାଇଁ ବିପଦ ପଡିବାର ଯଥେଷ୍ଟ ସମ୍ଭାବନା ରହିଛି। ଭାରତ ପକ୍ଷରୁ ରୋହିତ ଶର୍ମା, କେଏଲ୍ ରାହୁଲ ଏବଂ କୋହ୍ଲିଙ୍କ ଉପରେ ନଜର ରହିବ। ସେହିପରି ଭୁବନେଶ୍ବର କୁମାର ଫିଟ୍ ହୋଇଥିବା ବେଳେ ମହମ୍ମଦ ସାମିଙ୍କ ଖେଳିବା ନେଇ ମଧ୍ୟ ସନ୍ଦେହ ଦେଖାଦେଇଛି। ଓ୍ବିଣ୍ଡିଜ୍ ଟିମ୍ ମଧ୍ୟ ସାଏ ହୋପ୍, କ୍ରିସ୍ ଗେଲ୍ ପ୍ରମୁଖଙ୍କ ଉପରେ ନିର୍ଭରଶୀଳ ରହିବ।
ସ୍ଥାନ : ଓଲ୍ଡ ଟ୍ରାଫୋର୍ଡ
ସମୟ : ଅପରାହ୍ନ ୨:୩୦
