ବିଜୟ ସେଥୁପତିଙ୍କ ଅଭିନୀତ ବହୁ ପ୍ରତୀକ୍ଷିତ ତାମିଲ ଫିଲ୍ମ ସିନ୍ଧୁବାଦର ପ୍ରଥମ ଶୋ’କୁ ବନ୍ଦ କରି ଦିଆଯାଇଛି। ଫିଲ୍ମର ପ୍ରଯୋଜକ ଏବଂ ବିତରକଙ୍କ ମଧ୍ୟରେ ବିବାଦ ଯୋଗୁଁ ଫିଲ୍ମର ପ୍ରଥମ ଦିନର ଶୋ’କୁ ବାତିଲ କରି ଦିଆଯାଇଛି। ବିଜୟ ସେଥୁପତି ଏବଂ ଅଞ୍ଜଳିଙ୍କ ଅଭିନୀତ ଏହି ଫିଲ୍ମ ପୂର୍ବରୁ ଜୁନ୍ ୨୧ ତାରିଖରେ ରିଲିଜ୍ ହେବାର ଥିଲା। ଫିଲ୍ମଟିକୁ ବୁଧବାର ଦିନ ରିଲିଜ୍ ହେବାର ଅନୁମତି ମିଳିଥିବା ବେଳେ କିଛି ବୈଷୟିକ ଅନୁମତି ହାସଲ ବାକି ରହିଥିବାରୁ ଏହାର ରିଲିଜ୍ ରୋକାଯାଇଥିବା ଜଣାପଡିଛି। ଆଜିର ଦିନରେ ଫିଲ୍ମଟି ୧୨ଟା ପରେ ରିଲିଜ୍ ହେବ ବୋଲି ସୂଚନା ମିଳିଛି। ଏସ୍ ୟୁ ଅରୁଣ କୁମାର ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଫିଲ୍ମର ରିଲିଜ୍ ବିଳମ୍ବିତ ହୋଇଥିବାରୁ ବିଜୟଙ୍କ ଶହ ଶହ ଫ୍ୟାନ୍ ନିରାଶ ହୋଇଛନ୍ତି।
Tags:
