ନୂଆଦିଲ୍ଲୀ: ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) କାର୍ଯ୍ୟକାରୀ ସଭାପତି ହେମନ୍ତ ସୋରେନ ତୃତୀୟ ଥର ପାଇଁ ଝାଡଖଣ୍ଡର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଆଜି ରାଜ ଭବନରେ ରାଜ୍ୟପାଳ ତାଙ୍କୁ ଶପଥ ଗ୍ରହଣ କରାଇଛନ୍ତି। ଏହାପୂର୍ବରୁ ବୁଧବାର ଦିନ ଇଣ୍ଡିଆ ଆଲାଇନ୍ସର ନେତା ଏବଂ ବିଧାୟକ ଦଳ ବୈଠକରେ ଏହା ଉପରେ ନିଷ୍ପତ୍ତି ନିଆଯାଇଥିଲା।
ମୁଖ୍ୟମନ୍ତ୍ରୀ ଚମ୍ପାଇ ସୋରେନଙ୍କ ରାଞ୍ଚି ବାସଭବନରେ ଏହି ବୈଠକ ଡକାଯାଇଥିଲା। ଏଥିରେ ହେମନ୍ତ ସୋରେନଙ୍କୁ ଜେଏମଏମ ବିଧାୟକ ଦଳର ନେତା ଭାବରେ ଚୟନ କରିବାକୁ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଥିଲା। ଏହି ବୈଠକରେ ଉପସ୍ଥିତ ଥିବା କଂଗ୍ରେସ ବିଧାୟକ ଇରଫାନ ଅନସାରୀ କହିଥିଲେ ଯେ, ହେମନ୍ତ ସୋରେନ ମୁଖ୍ୟମନ୍ତ୍ରୀ ହେବେ।