ନୂଆଦିଲ୍ଲୀ: କଲିକତା ହାଇକୋର୍ଟ ମଙ୍ଗଳବାର ଦିନ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ରାଜ୍ୟପାଳ ସିଭି ଆନନ୍ଦ ବୋଷଙ୍କ ବିରୋଧରେ କୌଣସି ‘ଅପମାନଜନକ କିମ୍ବା ମିଥ୍ୟା’ ବିବୃତ୍ତି ଦେବାକୁ ବାରଣ କରିଛନ୍ତି। ବାସ୍ତବରେ ଜୁନ୍ ୨୮ ତାରିଖରେ ରାଜ୍ୟପାଳ ବୋଷ କଲିକତା ହାଇକୋର୍ଟରେ ମୁଖ୍ୟମନ୍ତ୍ରୀଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଥିଲେ। ସିଏମ୍ କହିଥିଲେ ଯେ, ମହିଳାମାନେ ତାଙ୍କ ନିକଟରେ ଅଭିଯୋଗ କରିଛନ୍ତି ଯେ ସେମାନେ ରାଜ ଭବନକୁ ଯିବାକୁ ଭୟ କରୁଛନ୍ତି।
ସୂଚନା ଅନୁଯାୟୀ, ମେ ୨ ତାରିଖରେ ରାଜ୍ୟପାଳଙ୍କ ଘରେ ଚୁକ୍ତିଭିତ୍ତିକ ମହିଳା କର୍ମଚାରୀ ସିଭି ଆନନ୍ଦ ବୋଷଙ୍କୁ ଅସଦାଚରଣ କରିଥିବା ଅଭିଯୋଗ କରିଥିଲେ, ଏହା ପରେ କୋଲକାତା ପୋଲିସ ଏହାର ତଦନ୍ତ ଆରମ୍ଭ କରିଥିଲା। ଏହି ପ୍ରସଙ୍ଗରେ ମମତା ବାନାର୍ଜୀ ଦାବି କରିଛନ୍ତି ଯେ, ମହିଳାମାନେ ତାଙ୍କୁ କହିଥିଲେ ଯେ ନିକଟରେ ଘଟିଥିବା ଘଟଣା ଯୋଗୁଁ ସେମାନେ ରାଜ ଭବନକୁ ଯିବାକୁ ଭୟ କରୁଛନ୍ତି।
