ନୂଆଦିଲ୍ଲୀ: ଆଉ କିଛି ସମୟ ପରେ ସଂସଦରେ ଉପସ୍ଥାପିତ ହେବ ସାଧାରଣ ବଜେଟ। ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ବଜେଟ ଉପସ୍ଥାପିତ କରିବେ। ସେଥିପାଇଁ ଆଜି ସକାଳରେ ଅର୍ଥମନ୍ତ୍ରୀ ରାଷ୍ଟ୍ରପତି ଭବନ ଯାଇ ସେଠାରେ ରାଷ୍ଟ୍ରପତିଙ୍କୁ ସାକ୍ଷାତ କରିଛନ୍ତି। ବଜେଟ ଉପସ୍ଥାପନା ପାଇଁ ଅନୁମତି ପ୍ରାପ୍ତ କରିଛନ୍ତି।
ଏହାପରେ ସୀତାରମଣ ସଂସଦ ଭବନକୁ ବଜେଟ ଟାବଲେଟ ଧରି ପ୍ରବେଶ କରିଛନ୍ତି। ତାଙ୍କ ସହିତ ଅର୍ଥରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ। ପ୍ରଥମେ କ୍ୟାବିନେଟ ବୈଠକରେ ଏହି ବଜେଟ ପାଶ ହେବା ପରେ ତାହା ସଂସଦରେ ଉପସ୍ଥାପିତ ହେବ। ଅଳ୍ପ ସମୟ ମଧ୍ୟରେ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ କ୍ୟାବିନେଟ ବୈଠକ ବସିବ। ଏହାପରେ ଦିନ 11 ରେ ଅର୍ଥମନ୍ତ୍ରୀ ସୀତାରମଣ ବଜେଟ ଉପସ୍ଥିପାତ କରିବେ।
ଏହା ହେଉଛି ମୋଦୀ ସରକାରଙ୍କ ତୃତୀୟ ପାଳିର ପ୍ରଥମ ବଜେଟ। ସେଥିପାଇଁ ଏହି ବଜେଟରୁ ବହୁତ କିଛି ଆଶା କରିଛନ୍ତି ମଧ୍ୟବିତ ଏବଂ ଶିଳ୍ପପତି।
