ବିପଦଜ୍ଜନକ ସ୍ଥାନରେ ସେଲ୍ଫି ଜନିତ ମୃତ୍ୟସଂଖ୍ୟା ବଢିବାରେ ଲାଗିଛି । ମୃତକଙ୍କ ମଧ୍ୟରେ ସବୁଠୁ ଅଧିକ ଭାରତୀୟ ରହିଛନ୍ତି । ସେହିପରି ଏହିପରି ସେଲ୍ଫି ନେବାରେ ଅଧିକସଂଖ୍ୟକ ଯୁବକ ଯୁବତୀ ରହିଛନ୍ତି । ନିକଟରେ ମିଳିଥିବା ଏକ ରିପୋର୍ଟ ଅନୁସାରେ ଏହା ସୂଚନା ମିଳିଛି । ରିପୋର୍ଟ ମୁତାବକ ଦୁନିଆରେ ଯେତିକି ଶାର୍କ ଆକ୍ରମଣରେ ମୃତ୍ୟୁ ହେଉଛି ତା’ଠୁ ପାଞ୍ଚଗୁଣ ଅଧିକ ବିପଜ୍ଜନକ ସେଲ୍ଫି ନେବାରେ ହେଉଛି । ୨୦୧୧ରୁ ୨୦୧୭ ମଧ୍ୟରେ ପ୍ରସ୍ତୁତ କରାଯାଇଥିବା ଏକ ସର୍ଭେରୁ ଜଣାପଡିଛି ଯେ, ସାରା ଦୁନିଆରେ ଶାର୍କ ଆଟାକ୍ରେ ୫୦ଜଣ ମୃତ୍ୟୁବରଣ କରିଥିବାବଳେ ସେଲ୍ଫି ନେଇ ୨୫୯ ଜଣଙ୍କର ମୃତ୍ୟୁ ହୋଇଛି । ବିପଜ୍ଜନକ ସେଲ୍ଫି ନେବାରେ ସବୁଠୁ ଆଗରେ ରହିଛନ୍ତି ଭାରତୀୟ । ମୋଟ୍ ୨୬୯ ଜଣଙ୍କ ମଧ୍ୟରେ ୧୫୯ଜଣ ଭାରତୀୟ ରହିଛନ୍ତି । ସେହିପରି ରୁଷ୍ର ୧୬ଜଣ ଓ ଆମେରିକାର ୧୪ଜଣଙ୍କ ମୃତ୍ୟୁ ହୋଇଥିବାର ଖବର ରହିଛି । ‘ବିପଜ୍ଜନକ ସେଲ୍ଫି ହେତୁ ମୃତ୍ୟୁ ସଂଖ୍ୟା ବଢୁଥିବାବେଳେ ଦେଶରେ କେତେକ ଜାଗାରେ ‘ନୋ ସେଲ୍ଫି ଜୋନ୍’ କରାଯାଇଛି । ମୁମ୍ବାଇ ସହରରେ ୧୬ଟି ଜୋନ୍ ରହିଛି । ଭାରତ ଦୁନିଆର ଦ୍ବିତୀୟ ଜନସଂଖ୍ୟାର ଦେଶ ହୋଇଥିବାବେଳେ ଏଠାରେ ପାଖାପାଖି ୮୦ କୋଟିର ମୋବାଇଲ୍ ଫୋନ୍ ରହିଛି । ସେହିପରି ବିପଜ୍ଜନକ ସେଲ୍ଫି ନେବାରେ ଭାରତୀୟ ଯୁବକ ବା ଯୁବା ସବୁଠୁ ଆଗରେ ରହିଛନ୍ତି ।
