ରାଜ୍ୟସଭାକୁ ନିର୍ଦ୍ବନ୍ଦ୍ବରେ ନିର୍ବାଚିତ ହେଲେ ତିନି ନେତା । ରାଜ୍ୟସଭାରେ ତିନୋଟି ଆସନ ପାଇଁ ଉପନିର୍ବାଚନ ଅନୁଷ୍ଠିତ ହୋଇଯାଇଛି । ବିଜେଡ଼ି ତରଫରୁ ଅମର ପଟ୍ଟନାୟକ ଓ ସସ୍ମିତ ପାତ୍ର ନିର୍ବାଚିତ ହୋଇଥିବାବେଳେ ବିଜେପି ତରଫରୁ ଅଶ୍ବିନୀ ବୈଷ୍ଣବ ନିର୍ବାଚିତ ହୋଇଛନ୍ତି । ଅଶ୍ବିନୀଙ୍କୁ ବିଜେଡ଼ି ସମର୍ଥନ କରିଛି । ରିଟଣ୍ଣିଂ ଅଫିସର ତିନିଜଣଙ୍କ ନାମ ଘୋଷଣା କରିଛନ୍ତି । ୩ଟି ଆସନ ପାଇଁ ୩ଜଣ ପ୍ରାର୍ଥୀ ରହିଥିବାରୁ ତିନିଜଣ ଯାକ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି । ଅଚ୍ୟୁତ ସାମନ୍ତଙ୍କ ଜାଗାରେ ଅମର ପଟ୍ଟନାୟକ, ପ୍ରତାପ ଦେବଙ୍କ ଜାଗାରେ ବିଜେଡିର ସସ୍ମିତ ପାତ୍ର ଓ ସୌମ୍ୟ ପଟ୍ଟନାୟକଙ୍କ ଜାଗାରେ ବିଜେପିର ଅଶ୍ବିନୀ ବୈଷ୍ଣବ ରାଜ୍ୟସଭା ପାଇଁ ନିର୍ବାଚିତ ହୋଇଛନ୍ତି ।