ନୂଆଦିଲ୍ଲୀ: ଆଜି ନେପାଳର ରାଜଧାନୀ କାଠମାଣ୍ଡୁରେ ବିମାନ ଉଡ଼ାଣ ପରେ ଖୁବ୍ ଶୀଘ୍ର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହି ବିମାନରେ ୧୯ ଜଣ ଲୋକଙ୍କ ମୃତ୍ୟୁ ହୋଇଥିଲା। ଯେଉଁଥିରେ କେବଳ ପାଇଲଟ୍ ହିଁ ସୁରକ୍ଷିତ ଅଛନ୍ତି। ବିମାନବନ୍ଦର ସୁରକ୍ଷା ମୁଖ୍ୟ ଅର୍ଜୁନ ଚନ୍ଦ ଠାକୁରୀ କହିଛନ୍ତି ଯେ, ବିମାନଟି ରକ୍ଷଣାବେକ୍ଷଣ ଯାଞ୍ଚ ପାଇଁ ଦୁଇଜଣ କ୍ରୁ ସଦସ୍ୟ ଏବଂ ୧୭ ଜଣ ଟେକ୍ନିସିଆନଙ୍କୁ ନେଇ ପୋଖରା ସହରକୁ ଯାଉଥିଲା।
କାଠମାଣ୍ଡୁର ତ୍ରିଭୁବନ୍ ଅନ୍ତର୍ଜାତୀୟ ବିମାନବନ୍ଦରର ମୁଖପାତ୍ର ତେଜ ବାହାଦୂର ପୌଡଆଲ କହିଛନ୍ତି ଯେ, କେବଳ କ୍ୟାପଟେନଙ୍କୁ ଜୀବନ୍ତ ଉଦ୍ଧାର କରାଯାଇଛି ଏବଂ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ଆହତ କାରଣରୁ ତାଙ୍କୁ କାଠମାଣ୍ଡୁ ମେଡିକାଲ କଲେଜ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି, କିନ୍ତୁ ଦୁର୍ଘଟଣାର କାରଣ କଣ ତାହା ଏପର୍ଯ୍ୟନ୍ତ ଜଣା ପଡିନାହିଁ।
ନେପାଳର ତ୍ରିଭୁବନ୍ ଅନ୍ତର୍ଜାତୀୟ ବିମାନବନ୍ଦରର ମୁଖ୍ୟ କହିଛନ୍ତି ଯେ, ପ୍ରାରମ୍ଭିକ ଆକଳନରୁ ଜଣାପଡିଛି ଯେ କାଠମାଣ୍ଡୁରୁ ପୋଖରା ଅଭିମୁଖେ ଯାଉଥିବା ବିମାନଟି ଭୁଲ ଦିଗକୁ ଚାଲିଯାଇଥିଲା। ବିମାନଟି ଉଡାଣ ଆରମ୍ଭ କରିବା ମାତ୍ରେ ଡାହାଣ ଆଡ଼କୁ ଚାଲିଯାଇଥିଲା, ଯାହା ବାମ ଆଡ଼କୁ ମୁହାଁଇବାର ଥିଲା। କାଠମାଣ୍ଡୁରେ ମୌସୁମୀ ଋତୁ ଚାଲିଛି, କିନ୍ତୁ ଦୁର୍ଘଟଣା ସମୟରେ ବର୍ଷା ହୋଇନଥିଲା। ତେବେ ରାଜଧାନୀରେ ଭିଜିବିଲିଟି କମ୍ ଥିଲା।